- 2016-09-02 15:10:20
- ប្រវត្តិ
កីឡាការិនីរត់ម៉ារ៉ាតុនវ័យ៤៤ឆ្នាំ លី ណារី មានប្រវត្តិជូរចត់យ៉ាងណា មុនមានថ្ងៃនេះ?
- 2016-09-02 15:10:20
- ចំនួនមតិ 0 | ចំនួនចែករំលែក 0
កីឡាការិនីរត់ម៉ារ៉ាតុនវ័យ៤៤ឆ្នាំ លី ណារី មានប្រវត្តិជូរចត់យ៉ាងណា មុនមានថ្ងៃនេះ?
ចន្លោះមិនឃើញ
កីឡាការិនីរត់ម៉ារ៉ាតុនកម្ពុជា លី ណារី បានក្លាយជាអត្តពលិកវ័យចាស់ជាងគេបំផុតក្នុងព្រឹត្តិការណ៍កីឡាអូឡាំពិករដូវក្តៅឆ្នាំ២០១៦ នៅប្រទេសប្រេស៊ីលកន្លងទៅ ដែលរត់ក្នុងវិញ្ញាសា៤២គីឡូម៉ែត្រ។
កីឡាការិនីដែលកើតនៅសម័យខ្មែរក្រហមខាងលើ បានរំលឹកដល់ប្រវត្តិរបស់ខ្លួនថាពិតជាកម្សត់ខ្លាំងណាស់មុនពេលមានដល់សព្វថ្ងៃនេះ។ ឪពុកម្ដាយស្លាប់ចោល នាសម័យប៉ុលពត ត្រូវរស់នៅជំរំភៀសខ្លួននាប្រទេសវៀតណាមតាំងពីនៅតូច មុនពេលត្រូវបានបញ្ជូនទៅប្រទេសបារាំង។ ទៅដល់បារាំង អ្នកស្រីមានមាឌតូចជាងគេ តែសំណាងកាលគ្រានោះមានក្រុមគ្រួសារមួយដែលចង់បានក្មេងតួចជាងគេបំផុតទៅចិញ្ចឹម ទើបអ្នកស្រីត្រូវបានគេជ្រើសយក។
ជីវិតរស់នៅក្រោមអាណាព្យាបាលបរទេស ខណៈដែលខ្លួនមិនទាន់ដឹងអីសោះនោះ ពិតជាធ្វើឱ្យអ្នកស្រី លី ណារី ជួបការលំបាកច្រើន។ យ៉ាងណាក្ដី ឈាមជ័រជាដើមកំណើតអ្នកសាងអង្គរ បានធ្វើឱ្យកីឡាការិនីរត់ម៉ារ៉ាតុងរូបនេះព្យាយាមរៀនសូត្រយកចំណេះដើម្បីមានសង្ឃឹមថាថ្ងៃណាមួយបានមកប្រទេសកម្ពុជាវិញបាន។
ដោយមានការតាំងចិត្តដូច្នេះហើយ ទើបបានជាអ្នកស្រីប្រឹងប្រែងរៀនសូត្ររហូតបានបញ្ចប់សញ្ញាបត្របណ្ឌិតផ្នែកជីវវិទ្យា ហើយបច្ចុប្បន្ននេះធ្វើការនៅសាកលវិទ្យាល័យវិទ្យាសាស្ត្រសុខាភិបាល (USS) ផ្នែកសិក្សាស្រាវជ្រាវ។
ដើម្បីជាការបញ្ជាក់កាន់តែច្បាស់អំពីជីវិតរបស់អ្នកស្រី លី ណារី ក៏ដូចជារឿងកីឡារបស់អ្នកស្រី សូមទស្សនាវីដេអូខាងក្រោមនេះ ដែលជាការបកស្រាយរបស់ផ្ទាល់តែម្ដង៖
អត្ថបទ៖ មុន្នី រម្យ
