- 2025-01-02 04:34:18
- កីឡាផ្សេងៗ
លោក គង់ ចាន់ធីណា៖ ម្ចាស់ឧបត្ថម្ភមកពី ISI GROUP រីករាយ និងសហការក្នុងការជួយអំឡុងប្រកួតជើងឯកថ្នាក់ ២០២៤
- 2025-01-02 04:34:18
- ចំនួនមតិ 0 | ចំនួនចែករំលែក 0
លោក គង់ ចាន់ធីណា៖ ម្ចាស់ឧបត្ថម្ភមកពី ISI GROUP រីករាយ និងសហការក្នុងការជួយអំឡុងប្រកួតជើងឯកថ្នាក់ ២០២៤
ចន្លោះមិនឃើញ
លោក គង់ ចាន់ធីណា ថាខាងម្ចាស់ឧបត្ថម្ភគឺ ISI GROUP បង្ហាញភាពរីករាយដែលបានជួយសហការឧបត្ថម្ភក្នុងការប្រកួតជើងឯកថ្នាក់ជាតិ ឆ្នាំ២០២៤ កីឡាហាប់គីដូ កន្លងទៅនេះ។
ថ្លែងក្នុងឱកាសប្រគល់លិខិតថ្លែងអំណរគុណដល់ក្រុមហ៊ុន ISI GROUP លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូ បានឲ្យដឹងថា ដើម្បីជាការថ្លែងអំណរគុណដល់ក្រុមហ៊ុនដែលបានជួយជាថវិកាមួយចំនួនដល់ការប្រកួតថ្នាក់ជាតិកន្លងទៅថ្មីៗនេះសហព័ន្ធបានធ្វើលិខិត និងយកទៅប្រគល់ដល់ក្រុមហ៊ុនផ្ទាល់តែម្ដង។
អគ្គលេខាធិការសហព័ន្ធខាងលើនេះបន្ថែមទៀតថា ខាងភាគីតំណាង ISI គឺរីករាយក្នុងការជួយជាថវិកាសម្រួលដល់ដំណើរការនៃការប្រកួតជើងឯកថ្នាក់ជាតិនេះហើយប្រសិនបើមានជាព្រឹត្តិការណ៍ ឬការប្រកួតផ្សេងៗទៀតក្រុមហ៊ុននឹងពិនិត្យសហការតាមជាក់ស្ដែងបន្តទៀត។
លោក គង់ ចាន់ធីណា បន្តថា ការជួយពីបណ្ដាក្រុមហ៊ុនឯកជនគឺពិតជាបានសម្រាលបន្ទុកមួយធំរបស់សហព័ន្ធ ព្រោះដូចដឹកស្រាប់ហើយថាសហព័ន្ធខ្មែរកីឡាហាប់គីដូមិនទាន់ទទួលបានកញ្ចប់ថវិកាលើការអភិវឌ្ឍន៍ បណ្ដុះបណ្ដាល ឬរៀបចំការប្រកួតផ្សេងៗនោះទេ។ រាល់ការរៀបចំម្ដងៗគឺត្រូវការការប្រមូលថវិកាពីបណ្ដាសមាជិកគណៈកម្មាធិការប្រតិបត្តិ ឬថ្នាក់ដឹកនាំសហព័ន្ធជាដើម។
បញ្ជាក់ដែរថា កាលពីថ្ងៃទី៣០ ខែធ្នូ ឆ្នាំ២០២៤ សហព័ន្ធខ្មែរកីឡាហាប់គីដូ ដឹកនាំដោយលោក គង់ ចាន់ធីណា អគ្គលេខាធិការ រួមជាមួយគ្រូបង្វឹក កីឡាករ កីឡាការិនី បានយកលិខិតថ្លែងអំណរគុណដល់ក្រុហ៊ុន ISI GROUP នៅទីស្នាក់ការក្រុមហ៊ុនឯ K Mall វ៉េងស្រេង រាជធានីភ្នំពេញ។ ជាមួយគ្នានោះដែរខាង ISI GROUP មានតំណាងដោយលោក ឡាំ គុយ តួនាទី អ្នកសម្របសម្រួលគម្រោងនៅក្នុង អង្គការមូលនិធិ ខេ អឹម អេច៕
