- 2024-12-31 11:12:10
- កីឡាផ្សេងៗ
ជាការរឹតចំណងមិត្តភាពក្លឹបតេក្វាន់ដូ ITF យុវជន និងក្លឹបអង្គររាជ បានបង្កើតការប្រកួតមិត្តភាព និងតំឡើងខ្សែក្រវាត់ជូនសិស្សគុនប្រមាណ ១៤៥នាក់
- 2024-12-31 11:12:10
- ចំនួនមតិ 0 | ចំនួនចែករំលែក 0
ជាការរឹតចំណងមិត្តភាពក្លឹបតេក្វាន់ដូ ITF យុវជន និងក្លឹបអង្គររាជ បានបង្កើតការប្រកួតមិត្តភាព និងតំឡើងខ្សែក្រវាត់ជូនសិស្សគុនប្រមាណ ១៤៥នាក់
ចន្លោះមិនឃើញ
រសៀលថ្ងៃទី២៩ ខែធ្នូ ឆ្នាំ២០២៤ ក្លឹបយុវជន (តេក្វាន់ដូ ITF) និងក្លឹបអង្គររាជ បានបង្កើតប្រកួតមិត្តភាពផ្លាប្ដូរបទពិសោធគ្នាទៅវិញទៅមក និងបានតំឡើងខ្សែក្រវាត់សិស្សគុនដែលប្រឡងជាប់នាពេលកន្លងចំនួន ១៤៥នាក់នៅក្នុងពហុកីឡដ្ឋានជាតិ។
ថ្លែងក្រោយក្នុងពិធីប្រកួតមិត្តភាពនោះដែរ លោក ប៉ាល់ ជីវ័ន គ្រូបង្វឹកក្លឹបយុវជន បានឲ្យដឹងថា នេះការប្រកួតមិត្តភាពដើម្បីផ្លាស់ប្ដូរបទពិសោធ ដកស្រង់បច្ចេកទេសល្អៗពង្រឹងសមត្ថភាពដល់យុវជនដែលបានហ្វឹកហាត់កន្លងទៅ។ មួយវិញទៀតក៏ជាការបង្ហាញដល់ថ្នាលក្មេងៗបានទស្សនាពីសមត្ថភាពសិស្សច្បងរួមទាំង និងជាការបង្កើនចំណងមិត្តភាពរវាងក្លឹប និងក្លឹបផង និងសិស្សគុនទាំងបានប្រាស្រ័យទាក់ទងស្គាល់គ្នាផងក្នុងនាមជាហ្វឹកហាត់តេក្វាន់ដូ ITF ដូចគ្នា។
គ្រូតេក្វាន់ដូជើងចាស់ និងជាម្ចាស់មេដាយមាសពិភពលោក ខាងលើនេះបន្ថែមទៀតថា ក្រៅតែពីការប្រកួតហើយនោះក៏មានជាការតំឡើងខ្សែក្រវាត់ដល់សិស្សគុនដែលបានប្រឡងជាប់នាពេលកន្លងទៅ និងមានការញុំអាហារសម្រន់ជាមួយគ្រូៗ អាណាព្យាបាល សិស្ស ដែលចូលរួមនៅពេលនោះផងដែរ។
បញ្ជាក់ដែរថា កម្មវិធីប្រកួតមិត្តភាព និងតំឡើងខ្សែក្រវាត់ខាងលើនេះធ្វើឡើងកាលពីរសៀលថ្ងៃទី២៩ ខែធ្នូ ឆ្នាំ ២០២៤ ដោយមានកីឡាករ កីឡាការិនី រួមទាំងអាណាព្យាបាលមានប្រមាណជិត ២០០នាក់។ កម្មវិធីនេះមានការចូលរួមដោយផ្ទាល់ពីលោក ប៉ាល់ ជីវ័ន គ្រូជម្រើសជាតិតេក្វាន់ដូ ITF កម្ពុជា រួមទាំងរៀមច្បងសិស្សគុនខ្សែក្រវាត់ខ្មៅប្រហែល១០រូបទៀតផងដែរ៕
