តើកីឡាកររូបណាយកបានមេដាយមាសឲ្យកម្ពុជាមុនគេបំផុតនៅស៊ីហ្គេម២០២១?

2023-03-20 02:42:18
ប្រវត្តិ

2023-03-20 02:42:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកម្ពុជាដណ្ដើមបានមេដាយមាសចំនួន៩គ្រឿង កាលពីព្រឹត្តិការណ៍ស៊ីហ្គេមឆ្នាំ២០២១ រៀបចំនៅប្រទេសវៀតណាម ដែលកាលនោះកម្ពុជាបានបញ្ជូនអត្តពលិកចំនួន៥៦០នាក់ទៅចូលរួម ប្រកួតប្រជែង។

តើទាំងអស់គ្នាដឹងទេថា កីឡាកររូបណាដែលដណ្ដើមបានមេដាយមាសដំបូងបំផុតនោះឆ្នាំនោះ? កីឡាករប្រដាល់ទូច រ៉ាឆាន់ ឬដែលគ្រប់គ្នាស្គាល់ថាបឺត សង្ឃឹម ជាកីឡាកររកបានមេដាយមាសដំបូងបំផុតឲ្យកម្ពុជាកាលពីនៅស៊ីហ្គេមឆ្នាំ២០២១។

ក្មួយប្រុសរបស់អតីតអ្នកប្រដាល់បឺត ខាំរូបនេះរកមេដាយបានតាមរយៈប្រភេទកីឡាករ Kickboxig វិញ្ញាសាផ្នែកបុរស ប្រភេទទម្ងន់៥៧គីឡូក្រាម កាលពីថ្ងៃទី១៣ ខែឧសភា ឆ្នាំ២០២២។ កាលនោះក្នុងវគ្គផ្ដាច់ព្រ័ត្រ គេបានយកឈ្នះកីឡាករថៃ Arunno Sivapan ធ្វើឲ្យអ្នកគាំទ្រកម្ពុជារំភើបជាខ្លាំង។

នៅ៤ថ្ងៃបន្ទាប់ទើបកម្ពុជារកបានមេដាយមាសទីពីររបស់ខ្លួន ធ្វើឲ្យដោយកីឡាករ ស៊ិន វង្សនិង កីឡាការិនី វង ចន្ថា វិញ្ញាសាប៉េតង់វាយគូបុរសនារី។ សម្រាប់មេដាយមាស៧គ្រឿងផ្សេងទៀតរបស់កម្ពុជារកបានដោយ៖

កីឡាករ វ៉ា មិថុនា ប្រភេទកីឡាករតេខ្វាន់ដូ
កីឡាករ ប៉ោង ភារិទ្ធ ប្រភេទកីឡាប្រដាល់សេរី
កីឡាករ ស៊ូ បាលី ប្រភេទកីឡាចំបាប់
កីឡាករ អេ វីរៈខាំឈិតភូថង ប្រភេទកីឡាវូ៉វីណាម
កីឡាការិនី អ៊ុន ស្រីយ៉ា ឌួង ឌីណា និង ស្រេង ប្រភេទកីឡាប៉េតង់ (ប្រកួតជាក្រុម)
កីឡាករ ឈិន ពិសិដ្ឋ និង ម៉េត សុភ័ក្ត្រា ប្រភេទកីឡាករវូ៉វីណាម (ប្រកួតជាក្រុម)
កីឡាករ ជ្រិន បុនឡុង លី បូរមី និង ប្រាក់ សុវណ្ណនី ប្រភេទកីឡាករវូ៉វីណាម (ប្រកួតជាក្រុម)។

អត្ថបទ៖ ហេង សុធារិទ្ធិ