- 2023-03-01 06:36:13
- ប្រវត្តិ
ល្បីខ្លាំង! បាល់ទះកម្ពុជាសាងប្រវត្តិសាស្ត្រនៅស៊ីហ្គេមឆ្នាំ២០២១
- 2023-03-01 06:36:13
- ចំនួនមតិ 0 | ចំនួនចែករំលែក 0
ល្បីខ្លាំង! បាល់ទះកម្ពុជាសាងប្រវត្តិសាស្ត្រនៅស៊ីហ្គេមឆ្នាំ២០២១
ចន្លោះមិនឃើញ
ព្រឹត្តិការណ៍ស៊ីហ្គេមឆ្នាំ២០២១ដែលរៀបចំនៅប្រទេសវៀតណាម ក្រុមបាល់ទះជម្រើសជាតិកម្ពុជាផ្នែកបុរសលេងក្នុងសាលបានសាងប្រវត្តិសាស្ត្ររបស់ខ្លួន ដណ្ដើមបានមេដាយសំរឹទ្ធិជាលើកដំបូងជូនជាតិ។
ស៊ីហ្គេមលើកទី៣១ដែលគេលើកមករៀបចំកាលពីឆ្នាំមុន ប្រភេទកីឡាករបាល់ទះក្នុងសាលផ្នែកបុរសមានប្រទេសចំនួន៧ចូលរួមប្រកួត មានដូចជា កម្ពុជា ឥណ្ឌូណេស៊ី ម៉ាឡេស៊ី មីយ៉ាន់ម៉ា ហ្វីលីពីន ថៃនិងវៀតណាម។
នាពេលនោះ ជម្រើសជាតិកម្ពុជាបានចាប់ឆ្នោតស្ថិតនៅពូល B ដែលមានតែ៣ក្រុមតែប៉ុណ្ណោះ ដោយនៅជាមួយថៃនិងហ្វីលីពីន។ ក្នុងការប្រកួតបើកឆាកកម្ពុជាធ្វើបានល្អមែនទែន ដោយបានយកឈ្នះជម្រើសជាតិហ្វីលីពីន ៣សិតទល់នឹង១សិត។
ប៉ុន្តែនៅប្រកួតទីពីរ កម្ពុជាបានលេងចាញ់ជម្រើសជាតិថៃ ៣សិតទល់នឹង២សិត។ យ៉ាងណាមិញ ត្បិតឈ្នះតែមួយប្រកួតមែនពិត តែកម្ពុជាអាចដណ្ដើមបានចំណាត់ថ្នាក់លេខ២ក្នុងពូលបានឡើងទៅកាន់វគ្គពាក់កណ្ដាលផ្ដាច់ព្រ័ត្រ ជាមួយថៃដែលជាក្រុមកំពូលតារាង។
ក្នុងវគ្គពាក់កណ្ដាលជម្រើសជាតិកម្ពុជាត្រូវប៉ះជាមួយឥណ្ឌូណេស៊ី ខណៈថៃជួបវៀតណាម។ ជារឿងសោកស្ដាយ កម្ពុជាធ្វើមិនបានល្អឡើយជាមួយឥណ្ឌូណេស៊ីដោយប្រកួតចាញ់ ៣សិតទល់នឹង១សិត ឯថៃចាញ់វៀតណាម ២សិតទល់នឹង១សិត។
យ៉ាងណាមិនទាន់អស់ឱកាសនោះទេ កម្ពុជាត្រូវសងសឹកជាមួយថៃដើម្បីដណ្ដើមមេដាយសំរឹទ្ធិ។ ហើយនោះជាពេលវេលាដ៏អស្ចារ្យដោយកម្ពុជាបានប្រកួតយ៉ាងតានតឹងយកឈ្នះថៃដណ្ដើមបានមេដយសំរឺទ្ធិ ដែលជាមេដាយដំបូងរកបានក្នុងវិញ្ញាសាបាល់ទាត់ទះផ្នែកបុរសក្នុងសាល។ សម្រាប់មេដាយមាសបានទៅឥណ្ឌូណេស៊ី ក្រោយឈ្នះវៀតណាម៣សិតទល់នឹង០៕
