- 2022-12-07 07:19:31
- កីឡាផ្សេងៗ
កីឡាករ-កីឡាការិនី កាយសម្ព័ន្ធ ទទួលបានប្រាក់លើកទឹកចិត្តជាង ២០០លានរៀលពីការប្រកួត
- 2022-12-07 07:19:31
- ចំនួនមតិ 0 | ចំនួនចែករំលែក 0
កីឡាករ-កីឡាការិនី កាយសម្ព័ន្ធ ទទួលបានប្រាក់លើកទឹកចិត្តជាង ២០០លានរៀលពីការប្រកួត
ចន្លោះមិនឃើញ
ម្សិលមិញនេះកីឡាករ កីឡាការិនី សហព័ន្ធកីឡាកាយសម្ព័ន្ធកម្ពុជា រួមនិងគ្រូបង្វឹកដែលឈ្នះមេដាយប្រាក់ ២ និងសំរឹទ្ធ ១គ្រឿង បានទទួលប្រាក់រង្វាន់លើកទឹកចិត្តពីរាជរដ្ឋាភិបាលចំនួន ២៣៦លានរៀល។
លោក ណយ ផាន់ណា អគ្គលេខាធិការសហព័ន្ធបានលើកឡើងក្នុងរបាយការណ៍ថា ការប្រកួតកីឡាកាយសម្ព័ន្ធផ្នែក Aerobic gymnastics ជើងឯកអាស៊ី លើកទី៧ គឺធ្វើនៅប្រទេសថៃ កាលពីថ្ងៃទី៣១ ខែសីហា ដល់ទី៦ ខែកញ្ញា ២០២២។ ក្នុងនោះកម្ពុជាឈ្នះមេដាយប្រាក់ ២ និងសំរឹទ្ធ ១។
ជាមួយគ្នានោះដែរឯកឧត្ដម វ៉ាត់ ចំរើន អគ្គលេខាធិការ NOCC និងជាអ្នកតំណាងប្រគល់ថវិកា ក៏បានផ្ដល់អនុសាសន៍ដល់កីឡាករ កីឡាការិនី ទទួលបានប្រាក់រង្វាន់ហើយត្រូវចេះទុកដាក់ ចាយវាយឲ្យបានល្អ និងចេះសន្សំសំចៃ។ ឯកឧត្ដមបន្ថែមទៀតថាក៏ភ្លេចគោរពដឹងគុណ ចំពោះថ្នាក់ដឹកនាំ លោកគ្រូ អ្នកគ្រូ ដែលនាំឲ្យខ្លួនមានជោគជ័យបែបនេះ និងបន្តខំប្រឹងហ្វឹកហាត់ទៀតដើម្បីមុខមាត់ប្រទេសជាតិផងដែរ។
រំលឹកដែរថា ពិធីប្រគល់ប្រាក់រង្វាន់លើកទឹកចិត្តដល់ក្រុមកីឡាករ កីឡាការិនី កីឡាកាយសម្ព័ន្ធនេះធ្វើឡើងកាលពីល្ងាចថ្ងៃទី៦ ខែធ្នូ ឆ្នាំ២០២២ នៅទីស្នាក់ការ NOCC ដែលមានឯកឧត្ដម វ៉ាត់ ចំរើន និងឯកឧត្ដម អ៊ុក សិទ្ធិជាតិ និងថ្នាក់ដឹកនាំជាច្រើនរូបទៀត៕
