- 2024-04-08 03:27:49
- កីឡាផ្សេងៗ
ឯកឧត្ដម កែវ រ៉េមី៖ សិស្សបឋម ITF មានចង្វាក់ មានក្បាច់ល្អណាស់ នេះជាក្ដីសង្ឃឹមបន្តវេនរបស់សហព័ន្ធ
- 2024-04-08 03:27:49
- ចំនួនមតិ 0 | ចំនួនចែករំលែក 0
ឯកឧត្ដម កែវ រ៉េមី៖ សិស្សបឋម ITF មានចង្វាក់ មានក្បាច់ល្អណាស់ នេះជាក្ដីសង្ឃឹមបន្តវេនរបស់សហព័ន្ធ
ចន្លោះមិនឃើញ
ឯកឧត្ដម កែវ រ៉េមី បង្ហាញស្នាមញញឹម និងការពេញចិត្តជាខ្លាំងចំពោះសមត្ថភាពកីឡាករថ្នាលក្មេងៗដែលប្រកួតកម្មវិធីសិស្សបឋមសិក្សាប្រកបដោយសមត្ថភាព បច្ចេកទេសខ្ពស់ និងកម្លាំងដែលនេះហើយជាអ្នកបន្តវេនរបស់សហព័ន្ធនៅថ្ងៃអនាគត។
ថ្លែងក្នុងពិធីបិទការប្រកួតកីឡាតេក្វាន់ដូ ITF នៃព្រឹត្តិការណ៍កីឡាសិស្សបឋមសិក្សា ឯកឧត្ដម កែវ រ៉េមី បានឲ្យដឹងថា ឯកឧត្ដមពិតជាមានចិត្តសប្បាយរីករាយជាខ្លាំង និងមានអំណរសាទរណាស់ចំពោះក្មេងៗថ្នាលដែលបានមកចូលរួមប្រកួតនេះបង្ហាញពីក្បាច់ស្នៀតល្អ មានចង្វាក់ មានរលាស់ និងមានកម្លាំង។
ប្រធានសហព័ន្ធដែលសកម្មជាមួយកីឡារូបនេះបន្ថែមទៀតថា រីករាយណាស់ដោយក្ដីសង្ឃឹម ព្រោះបានមើលឃើញហើយពីអ្នកបន្តវេនរបស់រៀមច្បងៗ ITF គឺសិស្សថ្នាលដែលបានប្រកួតក្នុងកម្មវិធីសិស្សបឋម។ សហព័ន្ធខ្លះគឺមិនសូវគិតរឿងថ្នាល ប៉ុន្តែសម្រាប់ ITF គឺមោទកភាពជាមួយធនធានកីឡាករ កីឡាការិនីល្អៗនៅពេលនេះតែក៏មិនដែលភ្លេចដែរការបណ្ដុះថ្នាល ការស្វែងរកអ្នកមានសមត្ថភាពត្រូវបន្តវេន។
ឯកឧត្ដម កែវ រ៉េមី កែវ រ៉េមី បានថ្លែងអំណរគុណចំពោះអាណាព្យាបាលសិស្សដែលបានអនុញ្ញាតឲ្យកូនមកហ្វឹកហាត់តេក្វាន់ដូ ITF និងតែងតែមកលើកទឹកចិត្តកន្លងទៅ។ ថ្នាលៗទាំងអស់ក៏មិនត្រូវភ្លេចការសិក្សាដែរ ពោលហ្វឹកហាត់ផង និងខំប្រឹងប្រែងរៀនសូត្រផងឲ្យវាជោគជ័យជាមួយគ្នាទាំងព្រមតែម្ដង។
រំលឹកដែរថា សហព័ន្ធកីឡាតេក្វាន់ដូ ITF ក៏ត្រូវបានបញ្ចូលទៅក្នុងព្រឹត្តិការណ៍នៃការប្រកួតកីឡាសិស្សបឋមសិក្សា ឆ្នាំ២០២៤ នេះដែរ។ ដោយឡែកសហព័ន្ធតេក្វាន់ដូ ITF បានធ្វើពិធីបិទបញ្ចប់ការប្រកួតរបស់ខ្លួននៅទីលានហ្វឹកហាត់ក្រុមជម្រើសជាតិកាលពីថ្ងៃទី៦ ខែមេសា ឆ្នាំ២០២៤ ក្រោមអធិបតីភាពឯកឧត្ដម កែវ រ៉េមី និងថ្នាក់ដឹកនាំជាច្រើនរូបទៀត៕
