- 2021-02-01 05:41:49
- កីឡាផ្សេងៗ
យ៉ន វិច្ឆិកា៖ វ័យ១៣ឆ្នាំទេស៊ីរាប រហូតឡើងវគ្គផ្ដាច់ព្រ័ត្រជើងឯកថ្នាក់ជាតិប៉េតង់ ២០២០
- 2021-02-01 05:41:49
- ចំនួនមតិ 0 | ចំនួនចែករំលែក 0
យ៉ន វិច្ឆិកា៖ វ័យ១៣ឆ្នាំទេស៊ីរាប រហូតឡើងវគ្គផ្ដាច់ព្រ័ត្រជើងឯកថ្នាក់ជាតិប៉េតង់ ២០២០
ចន្លោះមិនឃើញ
យុវជនវ័យ ១៣ឆ្នាំ យ៉ន វិច្ឆិកា បង្ហាញភាពភ្ញាក់ផ្អើលដោយឈ្នះការប្រកួតវិញ្ញាសា ១-១ ជាបន្តបន្ទាប់តាំងក្នុងពូលរហូតបានឡើងវគ្គផ្ដាច់ព្រ័ត្រដណ្ដើមជើងឯកថ្នាក់ជាតិ ឆ្នាំ២០២០ ប៉ុន្តែសោកស្ដាយចាញ់វគ្គសំខាន់នេះទៅវិញកាលពីម្សិលមិញ។
លោក ជួន ធឿន ប្រតិភូកីឡាពីខេត្តប៉ៃលិន បានឲ្យដឹងថា លោកពិតជាសប្បាយចិត្ត និងទទួលយកលទ្ធផលលេខ២ នេះបើទោះជាចាញ់វគ្គផ្ដាច់ព្រ័ត្រមេដាយមាសក៏ដោយ។ ព្រោះមើលឃើញថា យ៉ន វិច្ឆិកា ពិតជាធ្វើបានល្អមែនប៉ុន្មានថ្ងៃនេះ។
ប្រតិភូកីឡាករខាងលើនេះបន្តលើកឡើងទៀតថា ដោយសារតែ វិច្ឆិកា មានវ័យក្មេង និងនៅខ្ចីបទពិសោធ ជាពិសេសការឈានដល់វគ្គសំខាន់ៗដូចជាផ្ដាច់ព្រ័ត្រនេះជាដើមទើបចាញ់បែបនេះ។ វគ្គផ្ដាច់ព្រ័ត្រយកមេដាយមាសនេះលោកមើលឃើញថា យ៉ន វិច្ឆិកា មានអារម្មណ៍ភ័យច្រើន និងអរផងព្រោះដឹងថាបើចាញ់ក៏បានប្រាក់បែបនេះ ជាហេតុធ្វើឲ្យគេប្រមូលអារម្មណ៍លេងមិនសូវល្អ។
ចំពោះ យ៉ន វិច្ឆិកា ផ្ទាល់វិញបានប្រាប់ថា រូបគេពិតជាសប្បាយចិត្តណាស់ ដែលបានមេដាយប្រាក់ជើងឯកថ្នាក់ជាតិឆ្នាំ២០២០ ដែលទើបបញ្ចប់ការប្រកួតម្សិលមិញនេះ។ រឹតតែរំភើបនៅពេលបានលេងជូនថ្នាក់ដឹកនាំ និងមានអ្នកទស្សនាច្រើន។ យុវជនវ័យក្មេងរូបនេះមានក្ដីស្រមៃចង់ក្លាយជាកីឡាករជម្រើសជាតិនៅពេលខាងមុខ និងប៉ងចង់ឈ្នះមេដាយអន្តរជាតិផងដែរ។
រំលឹកដែរថា យ៉ន វិច្ឆិកា ឈ្នះមេដាយប្រាក់លើវិញ្ញាសា ១-១ អាយុ១៥ឆ្នាំចុះ នៃកម្មវិធីប្រកួតជ្រើសរើសជើងឯកថ្នាក់ជាតិឆ្នាំ២០២០ ដែលបញ្ចប់ម្សិលមិញនេះ។ ការប្រកួតជ្រើសរើសជើងឯកថ្នាក់ជាតិ ២០២០ របស់សហព័ន្ធកីឡាប៊ូល និងប៉េតង់កម្ពុជាបានបិទបញ្ចប់ហើយម្សិលមិញនេះក្រោយរៀបចំអស់រយៈពេល៣ថ្ងៃចាប់ពីថ្ងៃទី២៩-៣១ មករា ឆ្នាំ២០២១៕
វីដេអូ៖
