- 2019-03-20 02:05:26
- កីឡាផ្សេងៗ
២នាក់ក្នុងវិស័យកីឡាជាប់ក្នុងចំណោមអ្នកដឹកនាំវ័យក្មេងសកល១២៧នាក់
- 2019-03-20 02:05:26
- ចំនួនមតិ 0 | ចំនួនចែករំលែក 0
២នាក់ក្នុងវិស័យកីឡាជាប់ក្នុងចំណោមអ្នកដឹកនាំវ័យក្មេងសកល១២៧នាក់
ចន្លោះមិនឃើញ
ថ្មីៗនេះ The Forumof Young Global Leaders បានបង្ហាញបេត្ខភាព «អ្នកដឹកនាំសកលវ័យក្មេង១២៧នាក់»សម្រាប់ឆ្នាំ២០១៩។ ឆ្នាំនពមានបេក្ខភាពដែលពាក់ព័ន្ធនឹងដឹកនាំវ័យកីឡា២នាក់ក្នុងចំណោមបេក្ខភាពទាំង១២៧នាក់។
លោករដ្ឋមន្ត្រី Syed Saddiq អ្នកដឹកនាំវ័យក្មេងនៅតំបន់អាស៊ាន
លោកអាយុទើប២៦ឆ្នាំកាន់តំណែងជារដ្ឋមន្ត្រីក្រសួងយុវជន និងកីឡាប្រទេសម៉ាឡេស៊ី។ លោករដ្ឋមន្ត្រីវ័យក្មេងរូបនេះក៏ជាសមាជិកសភាតំណាងតំបន់ Muar រដ្ឋ Johore។ ជាងនេះទៀតនោះ សកម្មជននយោបាយលេចធ្លោរូបនេះសហស្ថាបនិក និងជាប្រធានយុវជននៃគណបក្សនយោបាយ BERSATU។ លោកត្រូវបានគេចាប់អារម្មណ៍ខ្លាំងថា ជាវាគ្មិនពិភាក្សាលេចធ្លោ និងជាអ្នកតស៊ូមតិប្រឆាំងអំពើពុករលួយ។ ការលះបង់របស់លោកគឺដើម្បីលើកកម្ពស់យុវជនក្នុងវិស័យនយោបាយ។
ម្ចាស់មេដាយមាសអូឡាំពិក Kirsty Coventry អ្នកដឹកនាំវ័យក្មេងនៅអាហ្វ្រិក
អតីតកីឡាការិនីហែលទឹក Kirsty Coventry ជារដ្ឋមន្ត្រីក្រសួងយុវជន កីឡា សិល្បៈ និងកម្សាន្តប្រទេសស៊ីមបាបវេ។ មុនពេលកាន់តំណែងនេះ លោកស្រីអ្នកឈ្នះមេដាយមាសហែលទឹកក្នុងព្រឹត្តិការណ៍អូឡាំពិកច្រើនជាងគេបំផុតក្នុងប្រវត្តិសាស្ត្រ និងជាកីឡាការិនីអូឡាំពិករបស់អាហ្វ្រិកដែលទទួលបានការកោតសរសើរខ្លាំងបំផុត។
អ្នកដឹកនាំវ័យក្មេងទាំង១២៧នាក់មកពីទូទាំងពិភពលោកនឹងមានកម្មវិធីសិក្សារយៈពេល៥ឆ្នាំដែលជំរុញឲ្យអ្នកដឹកនាំវ័យក្មេងសកលទាំងអស់នេះក្លាយជាបុគ្គលគំរូក្នុងសង្គម។
ក្នុងចំណោមអ្នកដឹកនាំវ័យក្មេងសកលទាំង១២៧នាក់នោះគឺមាន៩នាក់មកពីតំបន់អាស៊ានដែលប្រទេសម៉ាឡេស៊ីមាន៣នាក់ ឥណ្ឌូណេស៊ីជាប់២នាក់ សិង្ហបុរីជាប់២នាក់ ថៃជាប់១នាក់ និងកម្ពុជាជាប់១នាក់៕
