- 2019-03-15 07:55:48
- កីឡាផ្សេងៗ
តេក្វាន់ដូ ITF អ្នកជាប់ជម្រើសជាតិពីមុនៗ បើមិនពង្រឹងសមត្ថភាពគ្មានឱកាសជាប់ទៀតដែរ
- 2019-03-15 07:55:48
- ចំនួនមតិ 0 | ចំនួនចែករំលែក 0
តេក្វាន់ដូ ITF អ្នកជាប់ជម្រើសជាតិពីមុនៗ បើមិនពង្រឹងសមត្ថភាពគ្មានឱកាសជាប់ទៀតដែរ
ចន្លោះមិនឃើញ
ប្រធានសហព័ន្ធតេក្វាន់ដូ ITF កម្ពុជា ថាកុំអាងខ្លួនជាម្ចាស់មេដាយកម្រិតណា ឬអតីតកីឡាករជម្រើសជាតិក៏ដោយ បើមិនខំប្រឹងប្រែងហាត់បង្កើនសមត្ថភាពទេ កីឡាករក្រោយៗគេល្អជាងនោះនឹងក្លាយជាជម្រើសជាតិឆ្នាំនេះជំនួសហើយ។
ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF កម្ពុជាបានឲ្យដឹងថា សម្រាប់សហព័ន្ធរបស់លោក ចំពោះកីឡាករខ្លាំងៗ ឬម្ចាស់មេដាយកម្រិតណាក៏ដោយ ក៏ត្រូវធ្វើការប្រឡងសមត្ថភាពជាមួយកីឡាករថ្មីៗដូចគ្នា ដើម្បីជាប់ជាកីឡាករជម្រើសជាតិឆ្នាំនេះ ត្រៀមចេញទៅប្រកួតព្រឹត្តិការណ៍ធំៗ។
ថ្នាក់ដឹកនាំដែលសម្ដីម៉ាត់ៗរូបនេះបន្ថែមទៀតថា មូលហេតុលោកធ្វើបែបនេះ គឺកុំឲ្យកីឡាករចាស់ៗទាំងនោះបានចិត្ត ឬមិនសូវផ្ដោតលើការហ្វឹកហាត់ ក៏ដូចជាធ្លាក់ចុះនូវសមត្ថភាព ណាមួយជាការផ្ដល់ឱកាសដល់កីឡាករថ្មីៗ ប្រសិនពួកគេមានសមត្ថភាពត្រូវតែជាប់ជាជម្រើសជាតិ។
ព្រឹកមិញនេះសហព័ន្ធតេក្វាន់ដូ ITF កម្ពុជា បានធ្វើពិធីប្រឡងសមត្ថភាពជ្រើសរើសកីឡាករកីឡាការិនីឲ្យជាប់ជាជម្រើសជាតិ និងប្រឡងដំឡើងដាន់ខ្សែក្រវាត់ដល់សិស្សគុន រួមនិងថ្នាក់ដឹកនាំសហព័ន្ធមួយចំនួនផងដែរ នៅក្នុងអគារហ្វឹកហ្វឺនកីឡាជាប់ពហុកីឡដ្ឋានជាតិ៕