- 2019-01-07 01:01:37
- កីឡាផ្សេងៗ
សាលហ្វឹកហាត់ថ្មីជួយសម្រួលបានច្រើនដល់សហព័ន្ធតេក្វាន់ដូ ITF
- 2019-01-07 01:01:37
- ចំនួនមតិ 0 | ចំនួនចែករំលែក 0
សាលហ្វឹកហាត់ថ្មីជួយសម្រួលបានច្រើនដល់សហព័ន្ធតេក្វាន់ដូ ITF
ចន្លោះមិនឃើញ
មជ្ឈមណ្ឌលហ្វឹកហ្វឺនកីឡាថ្មីរបស់ក្រសួងអប់រំ យុវជនកីឡា ដែលផ្ដល់ឲ្យសហព័ន្ធតេក្វាន់ដូ ITF នឹងជួយសម្រួលបានច្រើនដល់ការហ្វឹកហាត់ មានកន្លែងច្រើនផ្សេងគ្នា និងបរិយាកាសមានផាសុកភាពតែម្ដង។
ឯកឧត្ដម កែវ រ៉េមី ប្រធានសហព័ន្ធខាងលើនេះបានឲ្យដឹងថា វាជាដំណឹងល្អមួយសម្រាប់សិស្សគុន ITF ដែលក្រសួងអប់រំ យុវជន និងកីឡាបានផ្ដល់សាលហ្វឹកហាត់ថ្មី និងធំទូលាយ ដើម្បីផ្ដល់ភាពងាយស្រួយលើការបង្ហាត់បង្រៀនសព្វបន្ថែមទៀត។ ប្រធានសហព័ន្ធរូបនេះក៏ថ្លែងអំណរគុណជាខ្លាំងសម្រាប់កាដូរនេះ កន្លែងថ្មីធំ មានបន្ទប់បែងចែកសម្រាប់បុរស និងនារីដាច់ដោយឡែកគ្នា ងាយអ្នកដែលហ្វឹកហាត់រួមអាចងូតទឹក ឬជម្រះខ្លួនទីនោះតែម្ដងដោយមិនចាំបាច់ទៅផ្ទះ។
ចំណែកលោក បាល់ ជីវ័ន គ្រូជំនួយជម្រើសរើសជាតិវិញក៏ឲ្យដឹងដែរថា សាលដែលក្រសួងផ្ដល់ជូននេះ មានបន្ទប់ច្រើន ងាយស្រួលហ្វឹកហាត់តាមវិញ្ញាសា ដូចជាបច្ចេកទេសពិសេសគឺលោតបានខ្ពស់ជាងមុន កន្លែងកម្ដៅសាច់ដុំធំអាចដាក់សិស្សបានច្រើន រីឯកន្លែងសម្រាប់ហាត់វិញ្ញាសា Power Breaking ក៏មានទៀត។ កាលណាធំទូលាយបែបនេះ គឺអាចដាក់មនុស្សបានច្រើន បរិយាកាសក៏មិនអាប់អួដូចនៅកន្លែងចាស់ក្បែរអាងទឹកដែរ។
បញ្ជាក់ដែរថា មជ្ឈមណ្ឌលហ្វឹកហ្វឺនកីឡាថ្មីរបស់ក្រសួងអប់រំ យុវជន និងកីឡា គឺស្ថិតនៅពីក្រោយទីស្នាក់ការគណៈកម្មាធិការជាតិអូឡាំពិកកម្ពុជា ជាប់និងរបងពហុកីឡាដ្ឋាន។ សម្រាប់កន្លែងថ្មីនេះ សហព័ន្ធតេក្វាន់ដូ ITF បានទៅធ្វើពិធីបើកវគ្គសិក្សា ចៅក្រម អាជ្ញាកណ្ដាល រួមទាំងហ្វឹកហាត់ខ្លះៗហើយ ប៉ុន្តែចូលទៅហាត់ជាផ្លូវការនោះអំឡុងខែមករានេះ៕