- 2018-11-30 04:27:57
- កីឡាផ្សេងៗ
សប្បាយៗ ស្អែកប្រណាំងកង់លក្ខណៈគ្រួសារនៅមុខព្រះលានជល់ដំរី
- 2018-11-30 04:27:57
- ចំនួនមតិ 0 | ចំនួនចែករំលែក 0
សប្បាយៗ ស្អែកប្រណាំងកង់លក្ខណៈគ្រួសារនៅមុខព្រះលានជល់ដំរី
ចន្លោះមិនឃើញ
នាព្រឹកថ្ងៃទី១ ខែធ្នូ ឆ្នាំ២០១៨ស្អែកនេះនឹងមានព្រឹត្តិការណ៍ប្រណាំងកង់ដែលមានទាំងប្រភេទវិញ្ញាសាសម្រាប់គ្រួសារនាំកូនៗ ក៏ដូចជាមិត្តភក្តិនាំគ្នាទៅជិះកម្សាន្តដើម្បីភាពសប្បាយរីក និងសុខភាពនៅមុខទីលានជល់ដំរីនៃទឹកដីអច្ឆរិយខ្មែរ ក្នុងខេត្តសៀមរាប។
ព្រឹត្តិការណ៍ប្រណាំងកង់ដែលឧបត្ថម្ភដោយក្រុមហ៊ុន Khmer Beverages មាន៣ប្រភេទវិញ្ញាសាសម្រាប់ចុះឈ្មោះចូលរួមប្រកួតគឺវិញ្ញាសាចម្ងាយ១៧គីឡូម៉ែត្រ ចម្ងាយ៣៧គីឡូម៉ែត្រ និងចម្ងាយ១១៧គីឡូម៉ែត្រ។ វិញ្ញាសាចម្ងាយ៣៧គីឡូម៉ែត្រគឺអាចចូលរួមបានគ្រប់គ្នា ពិសេសក្រុមគ្រួសារអាចនាំយកកូនៗតូច-ធំចូលរួមជិះកម្សាន្តបានយ៉ាងសប្បាយរីករាយបំផុត ពីព្រោះវិញ្ញាសានេះមិនត្រូវការប្រកួតប្រជែងខ្លាំង ប៉ុន្តែដើម្បីកម្សាន្ត សុខភាព សាមគ្គីភាព និងទាក់ទាញភ្ញៀវទេសចរនៅតំបន់ប្រាសាទបុរាណខ្មែរដ៏អស្ចារ្យ។
ដោយឡែកវិញ្ញាសាចម្ងាយ៣៧គីឡូម៉ែត្រសម្រាប់អ្នកដែលធ្លាប់ជិះកង់ និងមានបទពិសោធ ខណៈចម្ងាយ១១៧គីឡូម៉ែត្រសម្រាប់អ្នកអាជីពចូលរួមប្រកួតប្រជែងកម្រិតខ្ពស់។
នេះជាព្រឹត្តិការណ៍ប្រណាំងកង់លើកទី១៣ដែលរៀបចំប្រណាំងនៅខេត្តសៀមរាប និងឧបត្ថម្ភដោយក្រុមហ៊ុន Khmer Beverages។ អ្វីដែលពិសេសទៀតនោះគឺការចូលរួមពីបងប្អូនទាំងអស់គ្នាជាការរួមចំណែកដ៏សំខាន់ដើម្បីកុមារ និងដើម្បីសប្បុរសធម៌។
ក្នុងគោលបំណងដើម្បីកុមារផង ដើម្បីសុខភាពផង និងដើម្បីសាកកម្លាំងជើងផងនោះ រកឯណាបាន! តោះទៅចុះឈ្មោះ និងជិះកង់ដើម្បីកុមារទាំងអស់គ្នានាថ្ងៃសៅរ៍ ទី១ ខែធ្នូ ខាងមុខនេះ។ ជួបជុំគ្នានៅមុខ ព្រះលានជល់ដំរី ទឹកដីអង្គរ៕
សម្រាប់ការចុះឈ្មោះ និងព័ត៌មានបន្ថែម៖ ០៧៧ ៣០ ៣៨ ៦០។