- 2018-11-07 03:16:35
- កីឡាផ្សេងៗ
កម្មវិធីប្រកួតកីឡាមិត្តភាពរបស់និស្សិតកម្ពុជាកំពុងសិក្សានៅថៃ ឆ្នាំ២០១៨ បញ្ចប់ដោយជោគជ័យ
- 2018-11-07 03:16:35
- ចំនួនមតិ 0 | ចំនួនចែករំលែក 0
កម្មវិធីប្រកួតកីឡាមិត្តភាពរបស់និស្សិតកម្ពុជាកំពុងសិក្សានៅថៃ ឆ្នាំ២០១៨ បញ្ចប់ដោយជោគជ័យ
ចន្លោះមិនឃើញ
កម្មវិធីប្រកួតកីឡាដើម្បីរឹតចំណងមិត្តភាពរវាងនិស្សិតកម្ពុជា និងនិស្សិតថៃ ត្រូវបានបញ្ចប់យ៉ាងជោគជ័យកាលពីថ្ងៃទី៣ ខែវិច្ឆិកា ឆ្នាំ២០១៨ នៅលើទឹកដីថៃក្នុងសកលវិទ្យាល័យ DUP ។
បើតាមលោក ឆេង ច័ន្ទភ័ត្រា ប្រធានសមាគមនិស្សិតខ្មែរប្រចាំសកលវិទ្យាល័យ DUP បានឲ្យដឹងថា ព្រឹត្តិការណ៍នេះបង្កើតឡើងក្នុងគោលបំណង ដើម្បីពង្រឹងមិត្តភាព គុណភាព សន្តិភាព និងសាមគ្គីភាព រវាងនិស្សិតកម្ពុជា ដែលកំពុងសិក្សានៅតាមបណ្ដាសកលវិទ្យាល័យនានាក្នុងប្រទេសថៃ។ ព្រឹត្តិការណ៍នេះមាន៣ប្រភេទកីឡាគឺបាល់ទាត់ បាល់ទះ និងកីឡានារី Chair Ball ។
លោកបន្ថែមថា កម្មវិធីខាងលើបានធ្វើឡើងយ៉ាងជោគជ័យ និងសប្បាយរីករាយ។ សម្រាប់លទ្ធផលផ្នែកបាល់ទាត់បានទៅលើសកលវិទ្យាល័យ DUP ផ្នែកបាល់ទះបានទៅសកលវិទ្យាល័យ Chulalongkorn និងផ្នែកកីឡានារី Chair Ball បានទៅសកលវិទ្យាល័យ Burapha។
កម្មវិធីនេះមានការអញ្ជើញចូលរួមពីតំណាង ស្ថានទូតកម្ពុជាប្រចាំនៅប្រទេសថៃ លោកស្រីនាយករងសកលវិទ្យាល័យ DUP និងនិស្សិតកម្ពុជាចំនួន ៣០០នាក់។ និស្សិតទាំង៣០០នាក់មកពី៨សកលវិទ្យាល័យគឺ សកលវិទ្យាល័យ DUP, សកលវិទ្យាល័យ Chulalongkorn, សកលវិទ្យាល័យ Burapha, សកលវិទ្យាល័យ Thammasat, សកលវិទ្យាល័យ Mahidol, សកលវិទ្យាល័យ Kasesart, សកលវិទ្យាល័យ Asia Pacific International និងសកលវិទ្យាល័យ Siam International College ៕