- 2018-08-15 08:50:09
- កីឡាផ្សេងៗ
សហព័ន្ធកង់ បានប្រាក់ឧបត្ថម្ភជាង ២ម៉ឺន ដុល្លារ សម្រាប់ជួយដល់ការហ្វឹកហាត់
- 2018-08-15 08:50:09
- ចំនួនមតិ 0 | ចំនួនចែករំលែក 0
សហព័ន្ធកង់ បានប្រាក់ឧបត្ថម្ភជាង ២ម៉ឺន ដុល្លារ សម្រាប់ជួយដល់ការហ្វឹកហាត់
ចន្លោះមិនឃើញ
សហព័ន្ធទោចក្រយានកម្ពុជា ធ្វើពិធីថ្លែងអំណរគុណ និងប្រកាសផ្លូវការទទួលបានជំនួយឧបត្ថម្ភថវិកាចំនួន ២៥០០០ដុល្លារ ពីក្រុមហ៊ុន Khmer Beverages សម្រាប់ផ្គត់ផ្គង់ទៅលើការហ្វឹកហាត់បន្ថែម បន្ទាប់ពីរំសាយការប្រមូលផ្ដុំកីឡាករ កីឡាការិនីជម្រើសជាតិ។
ឯកឧត្តម វង្ស ខាន់ពៅ អគ្គលេខាធិការនៃសហព័ន្ធទោចក្រយានកម្ពុជា បានឲ្យដឹងថា កញ្ចប់ថវិកាដែលទទួលបានពីក្រុមហ៊ុនខាងលើនេះ ពិតជាមានសារសំខាន់ខ្លាំងណាស់ ក្នុងការជួយសកម្មភាពមួយចំនួនរបស់សហព័ន្ធផ្ទាល់។ ថវិកាទាំងនេះ នឹងយកទៅប្រើប្រាស់ធ្វើការហ្វឹកហាត់នានាទាំងក្នុងប្រទេស និងក្រៅប្រទេស។
បន្ថែមពីនេះទៀត សហព័ន្ធអាចមានលទ្ធភាពឲ្យកីឡាករ កីឡាការិនីបានហ្វឹកហាត់រយៈពេលពេញ១ឆ្នាំតែម្ដង បន្ទាប់ពីការរំសាយរបស់ក្រសួងអប់រំ យុវជន និងកីឡា។ ចំណែកកញ្ចប់ថវិកាមួយចំនួន នឹងជួយផ្ដល់ជូនកីឡាករដើម្បីយកទៅដោះស្រាយជីវភាពក្រុមគ្រួសារផងដែរ។
រំលឹកដែរថា ក្រុមហ៊ុន Khmer Beverages បានឧបត្ថម្ភកញ្ចប់ថវិកាចំនួន ២៥០០០ដុល្លារ ដល់សហព័ន្ធទោចក្រយាន រយៈពេល១ឆ្នាំចាប់ពីខែមិនា ឆ្នាំ២០១៨ ដល់ឆ្នាំ ខែមិនា ២០១៩។ កម្មវិធីប្រកាសជាផ្លូវការនេះធ្វើឡើងកាលពីព្រឹកថ្ងៃទី១៥ ខែសីហា ២០១៨ នៅគណៈកម្មាធិការអូឡាំពិកកម្ពុជា(NOCC)៕