គ្រូជម្រើសជាតិកម្ពុជាទាំង៨រូបនេះ ម្នាក់ណាធ្វើបានល្អជាងគេ?

2015-09-18 21:08:55
ប្រវត្តិ

2015-09-18 21:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Sabay សូមបង្ហាញប្រវត្តិខ្លះៗនៃគ្រូបង្វឹកដែលបានដឹកនាំក្រុមជម្រើសជាតិកម្ពុជាចាប់តាំងពីឆ្នាំ២០០៣ រហូតមកដល់ ២០១៥នេះ។ ជាង១០ឆ្នាំចុងក្រោយនេះមានគ្រូបង្វឹកចំនួន៨រូបមកហើបានដឹកនាំក្រុមកម្ពុជា ខណៈគ្រូបង្វឹកចំនួន ៣ រូបក្នុងចំណោមនោះត្រូវបានសហព័ន្ធកីឡាបាល់ទាត់កម្ពុជា (FFC) ផ្ដល់សិទ្ធឱ្យដឹកនាំក្រុមជម្រើសជាតិចំនួន ២ ដង។ គ្រូបុរសទាំង៨ រូបនេះរួមមាន លោក Joachim Fickert, លោក Scott O’Donnell (២ លើក) លោក សោម សារ៉ន, លោក Yoo Kee-Heung លោក ប្រាក់ សុវណ្ណារ៉ា (២លើក) លោក Lee Tae Hoon (២ លើក), លោក ហុក សុចិត្រា និងលោក Kazunori Ohara។

១- លោក Joachim Fickert ( ១៩៩៦-២០០៣) លោក Joachim Fickert សញ្ជាតិអាល្លឺម៉ង់អាយុ៥៩ឆ្នាំបានចូលមកដឹកនាំក្រុមជម្រើសជាតិកម្ពុជា ចាប់ពីឆ្នាំ១៩៩៦ដល់២០០៣ ប៉ុន្តែការដឹកនាំរបស់លោកមិនមានទិន្នន័យច្បាស់លាស់អំពីលទ្ធផលនៃការដឹកនាំរបស់លោកឡើយ។ បន្ទាប់មកសហព័ន្ធបាល់ទាត់កម្ពុជាបានផ្ដល់វគ្គសិក្សាកម្រិត C និង B ដល់ជនជាតិរបស់ខ្លួនជាបន្តបន្ទាប់។

២- លោក សោម សារ៉ាន់ (២០០៣-២០០៥) លោក សោម សារ៉ន (តាមុំាង) ក៏បានចូលខ្លួនមកបម្រើជាតិចាប់ពីឆ្នាំ២០០៣ដល់២០០៥ ។ លោក សារ៉ន ជាអតីតប្រធានក្រុមបាល់ទាត់ជម្រើសជាតិកម្ពុជាឆ្នាំ ១៩៧២ ហើយលោកក៏ជាសមាជិកម្នាក់ក្នុងចំណោមកីឡាជម្រើសជាតិផ្សេងទៀត ធ្លាប់ជួយឱ្យកម្ពុជាជាប់លំដាប់ថ្នាក់ លេខ៤ នៃកម្មវិធី AFC Asian Cup នៅឆ្នាំនោះផងដែរ។

៣- លោក Scott O’Donnell (២០០៥ – ២០០៨) ក្រោយពីការចាកចេញរបស់លោកFickert ពីក្រុមជម្រើសជាតិកម្ពុជា លោក Scott O’Donnell សញ្ជាតិអូស្ត្រាលីបានចូលមកកាន់តំណែងដ៏សំខាន់នោះបន្ត។ លោក Scott កើតនៅថ្ងៃទី១៦ខែមិថុនាឆ្នាំ១៩៦៧។ លោកបានចូលកាន់តំណែងជាគ្រូបង្វឹកក្រុមជម្រើសជាតិកម្ពុជាចាប់ពីឆ្នាំ២០០៥ – ២០០៨។ មុននឹងមកដឹកនាំក្រុមបាល់ទាត់កម្ពុជាលោក Scott ជាអតីតគ្រូបង្វឹកក្រុម Geylang United FC នៅប្រទេសសិង្ហបុរី ពីឆ្នាំ២០០៣ – ២០០៥។

ក្រៅពីនោះ លោក Scott គឺជាអតីតកីឡាករនៅក្នុងក្លិប Penrith Nepean United , ក្លិបRockdale Ilinden FC, ក្លិបParramatta Eagles, ក្លិប Kuala Lumpur FA, ក្លិប Parramatta Eagles, ក្លិប Tampines Rovers FC , ក្លិប Marine Castle United FCនិងក្លិប Tampines Rovers FC ។ លោក Scott បានដឹកនាំក្រុមកម្ពុជាចូលរួមប្រកួតក្នុងកម្មវិធីមួយចំនួនដូចជា Asian Challenge Cup 2006, វគ្គជម្រុះ ASEAN Championship (AFF Suzuki Cup 2007), Nehru Gold Cup 2007 នៅឥណ្ឌា, វគ្គជម្រុះ World Cup ប្រចាំតំបន់អាស៊ី ឆ្នាំ ២០០៧) ជាដើម។

លោក Scott O’Donnell លើកទី២ ( មិថុនា ២០០៩- សីហា ២០១០) លោក Scott O’Donnell ជាបុរសដំបូងគេដែលមានសំណាងក្លាយជាគ្រូបង្វឹកក្រុមជម្រើសជាតិជាលើកទី២។ បុរសជនជាតិអូស្ត្រាលី រូបនេះបានមកចូលកាន់តំណែងជាលើកទី២ចាប់ពីខែមិថុនាឆ្នាំ២០០៩ដល់ ខែសីហាឆ្នាំ២០១០។ ឆ្នាំ ២០០៩ នេះដែរ លោក Scott បានជួយឱ្យក្រុមឈុត U23 កម្ពុជាលើកពានរង្វាន់ BIDC Cup 2009 ដែលជាឆ្នាំដំបូងរបស់ពានមួយនេះ ក្នុងភាពជាម្ចាស់ផ្ទះ។ លោក Scott ជួយឱ្យក្រុម U23 កម្ពុជាលើកពាន BIDC Cup 200

៤- លោក Yoo Kee-Heung (កក្ដដា ២០០៨) ឆ្នាំ ២០០៨ នោះដែរ បន្ទាប់ពី តាមុំាង លាឈប់ពីក្រុមជម្រើសជាតិ លោក Yoo Kee-Heung សញ្ជាតិ កូរ៉េខាងត្បូងបានមកដឹកនាំវិញម្ដង។ លោក Yoo Kee-Heung កើតនៅក្នុងឆ្នាំ១៩៤៧។ លោកបានចូលបម្រើការងារជាគ្រូបង្វឹកក្រុមជម្រើសជាតិកម្ពុជាបាន ត្រឹមតែមួយខែប៉ុណ្ណោះគឺខែកក្កដាឆ្នាំ២០០៨ ។

លោក Kee-Heung ជា អតីតជាជំនួយការអ្នកចាត់ការក្រុមជម្រើសជាតិកូរ៉េខាងត្បូងនៅក្នុងឆ្នាំ ១៩៩៣។ ក្រោយមកទៀតគ្រូជនជាតិកូរ៉េខាងត្បូងរូបនេះទៅបង្វឹកក្រុមបាល់ទាត់ជម្រើសជាតិនេប៉ាល់ នៅឆ្នាំ២០០៣។ យុទ្ធនាការរបស់លោក Yoo Kee-Heung ដឹកនាំក្រុមជម្រើសជាតិ កម្ពុជា រយៈពេលមួយខែគឺទៅចូលរួមប្រកួតក្នុងពានរង្វាន់ Independence Cup 2008 នៅឯប្រទេសឥណ្ឌូណេស៊ី។

៥- លោក ប្រាក់ សុវណ្ណារ៉ា (កក្កដា ២០០៨ – មិថុនា ២០០៩) គ្រូបង្វឹកក្រុមជម្រើសជាតិចុងក្រោយនៅឆ្នាំ ២០០៨ គឺលោក ប្រាក់ សុវណ្ណារ៉ា។ លោក ប្រាក់ សុវណ្ណារ៉ា សញ្ជាតិកម្ពុជាកើតនៅថ្ងៃទី០៧ ខែវិច្ឆិកា ឆ្នាំ១៩៧២ បានមកដឹកនាំក្រុមជម្រើសជាតិនៅខែកក្កដា២០០៨ ដល់ មិថុនា ២០០៩ ។ លោក សុវណ្ណារ៉ា ជាអតីតគ្រូបង្វឹកក្រុមបាល់ទាត់ភ្នំពេញក្រោនឆ្នាំ ២០០៧និងព្រះខ័នរាជ (ស្វាយរៀង)នៅក្នុងអំឡុងឆ្នាំ២០០៨-២០០៩ ។ បន្ទាប់ពីបញ្ចប់តួនាទីជាគ្រូបង្វឹកក្រុមជម្រើសជាតិ ភ្នំពេញក្រោន និងព្រះខ័នរាជ លោកបានចូលកាន់កៅអីជាគ្រូបង្វឹកក្រុម ណាហ្គាខប នៅឆ្នាំ២០១០រហូត ដល់ ខែធ្នូ ២០១២ ជាពេលដែលលោកវិលមកទៅតំណែងកំពូលនៃក្រុមជម្រើសជាតិជាលើកទី ២។

បើងាកទៅមើលក្រុមជម្រើសជាតិ លោកធ្លាប់ ដឹកនាំក្រុមយុវជនអាយុក្រោម១៧ឆ្នាំក្នុងការប្រកួតកម្មវិធី AFF U17 នៅឆ្នាំ២០០៧ ខណៈដែល លោកបាន ដើរតួជាជំនួយការលោក Scott O’Donnell កាលឆ្នាំ ២០០៥-២០០៦។ ក្រោយពេល លោក Scott O’Donnell ចាកចេញពីក្រុមជម្រើសជាតិ លោក ប្រាក់ សុវណ្ណារ៉ា បានក្លាយជាគ្រូបង្វឹកជំនួស រយៈពេល ៦ ខែគឺ ចាប់ពីខែ កក្ដដា ឆ្នាំ ២០០៨ ដល់ មិថុនា ២០០៩។ ស្នាដៃជាចម្បងរបស់លោក ប្រាក់ សុវណ្ណារ៉ា កាលនោះគឺឆ្នាំ២០០៨ លោកបាននាំឲ្យកម្ពុជាឆ្លងដល់វគ្គចែកពូលនៃពានរង្វាន់ AFF Suzuki Cup 2008។ កម្ពុជាដែលជាម្ចាស់ផ្ទះមាន ៧ពិន្ទុក្នុងតារាងបន្ទាប់ពីឈ្នះ ឡាវ ៣-២ ស្មើទីម័រខាងកើត ២-២ ឈ្នះ ប៊្រុយណេ ២-១ និង ចាញ់ ហ្វីលីពីន ២-៣.

លោក ប្រាក់ សុវណ្ណារ៉ា លើកទី២ (ធ្នូ ២០១២ – កក្កដា ២០១៣) យោងតាមលិខិតតែងតាំងលេខ ៣១៤/១២ ស.ប.ក ចេញដោយប្រធានសហព័ន្ធកីឡាបាល់ទាត់កម្ពុជា បានតែងតាំងលោក ប្រាក់ សុវណ្ណារ៉ា ជាគ្រូបង្វឹក ក្រុមជម្រើសជាតិ ជាលើកទី២ នៅថ្ងៃទី ១៣ ធ្នូ ២០១៣។ ការតែងតាំងលោក ប្រាក់ សុវណ្ណារ៉ា គឺដើម្បីដឹកនាំក្រុមជម្រើសជាតិចូលប្រកួតជម្រុះ ក្នុងពូល E នៃពានរង្វាន់ AFC Challenge Cup 2014ដែលរៀបចំឡើងនៅឯប្រទេសហ្វីលីពីន។ ជាលទ្ធផលកម្ពុជា បរាជ័យយ៉ាងធ្ងន់ធ្ងរ ដោយចាញ់ ទួរមេនីស្ថាន ៧ – ០ និង ចាញ់ហ្វីលីពីន ៨ – ០។ មិនមានឯកសារបញ្ជាក់ពីសហព័ន្ធកីឡាបាល់ទាត់កម្ពុជា ថាលោក ប្រាក់ សុវណ្ណារ៉ា ចប់កិច្ចសន្យានៅពេលណានោះទេ ប៉ុន្តែនៅព្រឹកថ្ងៃទី ៦ សីហា ២០១៣ លោក គល់ សុផាណា អគ្គលេខាធិការសហព័ន្ធកីឡាបាល់ទាត់កម្ពុជា បានប្រកាសពីការតែងតាំងលោក Lee Tae Hoon សាជាថ្មីជំនួសវិញ។

៦-លោក Lee Tae-Hoon ( សីហា ២០១០ – កក្កដា ២០១២) ចប់ពីគ្រូអូស្ត្រាលី ដល់វេនគ្រូបង្វឹកជនជាតិកូរ៉េខាងត្បូង ម្នាក់ទៀត។ លោក Lee Tae-Hoon ជាគ្រូសញ្ជាតិ កូរ៉េខាងត្បូង ទី២ ដែលបានដឹកនាំក្រុមជម្រើសជាតិកម្ពុជា។ លោកបានចូលមកដឹកនាំក្រុមជម្រើសជាតិ ចាប់ពីខែសីហា ឆ្នាំ ២០១០ រហូតដល់ខែ កក្កដា ២០១២។ លោកគ្រូបង្វឹករូបនេះជាអតីតគ្រូបង្វឹកបាល់ទាត់ជម្រើសជាតិ ស្ត្រីនៅកូរ៉េខាងត្បូង កាល ឆ្នាំ២០០៥ និង២០០៩។ លោក Lee ធ្លាប់បានចំណាយពេល៦រដូវកាលនៅជាមួយក្លិប Jeonbuk Hyundai Motors ។

លោក Lee បានដឹកនាំក្រុមជម្រើសជាតិចូលរួមប្រកួតជម្រុះក្នុងពានរង្វាន់ AFF Suzuki Cup 2010, AFC Challenge Cup 2012, World Cup Qualifier 2014, BIDC Cup 2011, Sea game 2011, Hassanal Bolkiah Trophy(HBT) 2012។

លោក Lee Tae Hoon លើកទី២ ( ១ សីហា ២០១៣ ដល់ ខែធ្នូ ឆ្នាំ២០១៦) លោកគ្រូបង្វឹកឈុតធំរបស់កម្ពុជា ត្រូវបានតែងតាំងឲ្យដឹកនាំឈុតយុវជនក្រោមអាយុ ២៣ ឆ្នាំ (U23) ផង និងក្រុមធំ។ សហព័ន្ធកីឡាបាល់ទាត់កម្ពុជាចុះកិច្ចសន្យារយៈពេល ២ឆ្នាំជាមួយលោក LeeTae Hoon ជាលើកទីពីរ។ ក្នុងដំណើរត្រឡប់មកកាន់តំណែងជាគ្រូបង្វឹកក្រុមជម្រើសជាតិ សាជាថ្មីវិញ លោក Lee ត្រូវដឹកនាំក្រុមឈុត U23 កម្ពុជាទទួលភ្ញៀវក្នុងពានរង្វាន់ BIDC Cup 2013។

ក្រោយមក គ្រូបង្វឹកវ័យ ៤២ ឆ្នាំរូបនេះ បានដឹកនាំឈុត U23 កម្ពុជាទៅចូលរួមប្រកួត ស៊ីហ្គេម ២០១៣ នៅប្រទេសមីយ៉ាន់ម៉ា និងស៊ីហ្គេមឆ្នាំ២០១៥នៅប្រទេសសិង្ហបុរី។ លទ្ធផលគួរឲ្យចាប់អារម្មណ៍បំផុតនោះគឺលោកបានជួយក្រុមជម្រើសជាតិ កម្ពុជាឆ្លងផុតជុំទីមួយនៃវគ្គជម្រុះបាល់ទាត់ពិភពលោកឆ្នាំ២០១៨ បន្ទាប់ឈ្នះម៉ាកាវ៣-០ ក្នុងដី និងស្មើ១-១នៅទឹកដីម៉ាកាវ។ បន្ទាប់ពីបញ្ចប់ភារកិច្ចដឹកនាំ U-23 លោកបានដឹកនាំក្រុមធំកម្ពុជាប្រកួតជម្រុះបាល់ទាត់ពិភពលោកជុំ ទីពីរប្រចាំតំបន់អាស៊ីរហូតដល់បច្ចុប្បន្ន។ លោកអាចចាត់ទុកថា ជាគ្រូបង្វឹកជម្រើសជាតិកម្ពុជាដែលដឹកនាំបានយូរជាងគេដោយសារសហព័ន្ធបាល់ទាត់កម្ពុជាបានបន្តកុងត្រារហូតដល់ចុងឆ្នាំ២០១៦ បន្ទាប់ពីកុងត្រាលើកទីពីរបានផុត។

៧- លោក ហុក សុចិត្រា ( កក្កដា ២០១២ – តុលា ២០១២) សហព័ន្ធកីឡាបាល់ទាត់កម្ពុជាមិនបន្តកិច្ចសន្យាជាមួយលោក Lee ទៀតទេ ហើយកិច្ចសន្យា២ ឆ្នាំក៏អស់សុពលភាពក្រោមកម្ដៅរិះគន់មិនសម្ចៃពីអ្នកគាំទ្របាល់ទាត់ជាតិទៅលើការដែលលោក Lee មិនអាចនាំក្រុម កម្ពុជា ជួបលទ្ធផលល្អ។

លោក ហុក សុចិត្ត្រា

បេក្ខជនដែលចូលទៅជំនួសតំណែងលោក Lee គឺ លោក ហុក សុចិត្រា។ បុរសសញ្ជាតិកម្ពុជា រូបនេះជាអតីតខ្សែប្រយុទ្ធក្រុមជម្រើសជាតិក្នុងទសវត្សរ៍ ៩០ និងជាប់ជាខ្សែប្រយុទ្ធឆ្នើមតំបន់អាស៊ាននាឆ្នាំ១៩៩៧។ លោកបានក្លាយជាគ្រូបង្វឹកក្រុមជម្រើសជាតិនៅថ្ងៃទី ១៤ កក្កដា ២០១២ ក្រោមការប្រកាសជាផ្លូវការរបស់ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា នៅឯខេត្តតាកែវ។ ការតែងតាំងនេះគឺដើម្បីផ្ដល់ឱកាសឱ្យលោកដឹកនាំក្រុមជម្រើសជាតិទៅបំពេញយុទ្ធនាការក្នុងវគ្គជម្រុះ AFF Suzuki Cup 2012 នៅប្រទេសមីយ៉ាន់ម៉ា។ បន្ទាប់ពីមិនអាចជួយក្រុមជម្រើសជាតិឲ្យឡើងទៅវគ្គចែកពូលបាន នៅថ្ងៃទី ២០ តុលា ២០១២ លោកហុក សុចិត្រា បានដាក់ពាក្យលាឈប់ពីការងារជាគ្រូបង្វឹកក្រុមជម្រើសជាតិ។

៨- លោក Kazunori Ohara លោកគ្រូបង្វឹកជនជាតិជប៉ុន Kazunori Ohara បានចូលខ្លួនមកដឹកនាំក្រុមជម្រើសជាតិកម្ពុជាជាបណ្តោះអាសន្នមួយរយៈពេលខ្លីក្នុងឆ្នាំ២០១៥នេះដើម្បីជំនួសលោក Lee Tae Hoon ដែលជាប់បំពេញភារកិច្ចដឹកនាំក្រុមជម្រើសជាតិកម្ពុជាអាយុក្រោម២៣ឆ្នាំក្នុងព្រឹត្តិការណ៍កីឡាស៊ីហ្គេម។ សម្រាប់រយៈពេលខ្លីនេះលោកបានដឹកនាំក្រុមម្រើសជាតិកម្ពុជាប្រកួតបាន៤លើកគឺឈ្នះ១ ស្មើ១ និងចាញ់៤។ បន្ទាប់ពីលោក Lee បានវិលត្រឡប់មកពីស៊ីហ្គេមវិញលោកបានផ្តល់តួនាទីដឹកនាំក្រុមជម្រើសជាតិកម្ពុជាទៅលោក Lee វិញ៕