- 2017-09-01 23:00:00
- ប្រវត្តិ
ល្ងាចនេះ អេ យ៉ានុត ប្តេជ្ញាយកឈ្នះម្ចាស់ផ្ទះចិនដើម្បីក្លាយជាអ្នកប្រយុទ្ធពិតម្នាក់
- 2017-09-01 23:00:00
- ចំនួនមតិ 0 | ចំនួនចែករំលែក 0
ល្ងាចនេះ អេ យ៉ានុត ប្តេជ្ញាយកឈ្នះម្ចាស់ផ្ទះចិនដើម្បីក្លាយជាអ្នកប្រយុទ្ធពិតម្នាក់
ចន្លោះមិនឃើញ
អ្នកប្រដាល់គុនខ្មែរ អេ យ៉ានុត ត្រូវបង្ហាញខ្លួនជាលើកទីពីរក្នុងស្ថាប័ន ONE Championship នៅទីក្រុងស៊ាងហៃ ប្រទេសចិន បន្ទាប់ពីបង្ហាញខ្លួនលើកដំបូងកាលពីពីរឆ្នាំមុន។ កីឡាការិនីកម្ពុជារូបនេះប្តេជ្ញាបង្កើតប្រវត្តិសាស្ត្រក្នុងស្ថាប័នគុនចម្រុះដ៏ធំនេះ។
«នេះជាការប្រកួតដ៏ធំដែលមានអ្នកប្រដាល់ខ្លាំងៗមកពីជុំវិញពិភពលោក។ ខ្ញុំចង់បង្កើតកំណត់ក្នុងព្រឹត្តិការណ៍ដ៏អស្ចារ្យនេះ ហើយនេះជាឱកាសរបស់ខ្ញុំហើយ។ ខ្ញុំខំប្រឹងហាត់ខ្លាំងគ្មានពេលសម្រាក។ ខ្ញុំនៅតែបន្តធ្វើឲ្យអាជីពខ្ញុំកាន់តែប្រសើរឡើង។ ខ្ញុំបានហាត់ផ្នែកក្រោម ទាំងប្រយុទ្ធ និងការពារ។ ខ្ញុំពិតជារីករាយដែលបានចេញមកវ៉ៃនៅក្រៅប្រទេស»។ អេ យ៉ានុតបាននិយាយ។
កូនស្រីបង្កើត អេ ភូថងរូបនេះបញ្ជាក់ថា ៖«ខ្ញុំគ្មានអ្វីត្រូវខ្លាចទេដែលប៉ះម្ចាស់ផ្ទះ តែវាជាការប្រកួតដ៏លំបាកសម្រាប់ខ្ញុំ។ យ៉ាងណា ខ្ញុំត្រូវជម្នះបញ្ហាទាំងនេះដើម្បីក្លាយជាអ្នកប្រយុទ្ធពិតប្រាកដម្នាក់»។
កីឡាការិនី អេ យ៉ានុតធ្លាប់ប្រកួតក្នុងទ្រុង One Championship ម្តងកាលពីខែធ្នូ ឆ្នាំ២០១៥ដែលពេលនេះចាញ់ពិន្ទុទាំងប្រផុតប្រផើយដោយកីឡាការិនីមិត្តរួមជាតិគឺ វី ស្រីខួច។ កីឡាការិនីរូបនេះនឹងជួបកីឡាការិនីចិន Xu Chun Yan ក្នុងព្រឹត្តិការណ៍ ONE CHAMPIONSHIP: SHANGHAI នៅសង្វៀន Shanghai Oriental Sports Center ក្នុងទីក្រុងស៊ាងហៃ ប្រទេសចិន ល្ងាចថ្ងៃសៅរ៍ ទី២ ខែកញ្ញានេះ៕
