- 2016-10-27 13:10:41
- ប្រវត្តិ
កំណត់ត្រា៣ចារក្នុងប្រវត្តិបាល់ទាត់កម្ពុជា ក្រោមការដឹកនាំរបស់គ្រូ Lee Tae Hoon
- 2016-10-27 13:10:41
- ចំនួនមតិ 0 | ចំនួនចែករំលែក 0
កំណត់ត្រា៣ចារក្នុងប្រវត្តិបាល់ទាត់កម្ពុជា ក្រោមការដឹកនាំរបស់គ្រូ Lee Tae Hoon
ចន្លោះមិនឃើញ
លោក Lee Tae Hoon បានចូលខ្លួនមកដឹកនាំក្រុមជម្រើសជាតិកម្ពុជាកាលពីឆ្នាំ២០១០រាប់បញ្ចូលទាំងការដឹកនាំលើកទី១។ បើគិតមកដល់សព្វថ្ងៃគ្រូបង្វឹកសញ្ជាតិកូរ៉េរូបនេះបានជួយឲ្យក្រុមបាល់ទាត់ជម្រើសជាតិកើនឡើងសមត្ថភាពគួរឲ្យកត់សំគាល់ បើប្រៀបធៀបនឹងកាលពីជិត១០ឆ្នាំមុន។
ក្នុងជម្រើសជាតិកម្ពុជាមានភារកិច្ចប្រកួតក្នុងព្រឹត្តិការណ៍ធំៗជាច្រើន ប៉ុន្តែមានព្រឹត្តិការណ៍៣ដែលលោកបានដឹកនាំឲ្យជាប់កំណត់ត្រាក្នុងប្រវត្តិសាស្ត្របាល់ទាត់កម្ពុជាគឺជាប់ជម្រុះ World Cup នៅតំបន់អាស៊ី ជុំបឋម (រៀងរាល់៤ឆ្នាំម្ដង) ជាប់វគ្គជម្រុះពានរង្វាន់ AFC Asian Cup (រាល់៤ឆ្នាំម្ដង) និងជាប់វគ្គជម្រុះ AFF Suzuki Cup ( រាល់២ឆ្នាំម្ដង)។
១- ឆ្លងផុតវគ្គជម្រុះបឋម World Cup ៖ លោក Lee បានដឹកនាំក្រុមជម្រើសជាតិកម្ពុជាឲ្យឆ្លងផុតវគ្គជម្រុះបឋម 2018 FIFA World Cup Qualification នៅតំបន់អាស៊ី បន្ទាប់កម្ពុជាបានយកឈ្នះក្រុមកោះម៉ាកាវ ៣-០នៅទឹកដីកម្ពុជា និងស្មើគ្នា១-១នៅទឹកដីម៉ាកាវវិញ។
២- ឆ្លងផុតវគ្គជម្រុះ AFC Asean Cup 2019 ៖ ពានរង្វាន់លំដាប់អាស៊ីនេះ ក្រុមជម្រើសជាតិកម្ពុជាបានឆ្លងផុតដោយយកឈ្នះ ក្រុមកោះឆាយនីសតៃប៉ិក្នុងទឹកដីខ្លួនឯងដោយលទ្ធផល ២-០ និងស្មើគ្នា ២-២ នៅទឹកដីឆាយនីសតៃប៉ិ។
៣- ឆ្លងផុតវគ្គជម្រុះ AFF Suzuki Cup 2016 ៖ ក្រុមជម្រើសជាតិកម្ពុជាបានឆ្លងផុតវគ្គជម្រុះជាលើកដំបូង គិតចាប់តាំងពីឆ្នាំ១៩៩៨មក។ ក្នុងវគ្គជម្រុះដែលកម្ពុជាធ្វើជាម្ចាស់ផ្ទះនេះគឺបង្កើតកំណត់ត្រាឈ្នះទាំង៣ប្រកួតគឺប្រកួតទី១ឈ្នះឡាវ ២-១ ប្រកួតទី២ ឈ្នះប្រ៊ុយណេ ៣-០ និងប្រកួតទី៣យកឈ្នះទីម័រខាងកើត៣-២៕
