នេះទឹកចិត្តកីឡាករខ្មែរនៅកាណាដាបង្ហាញអារម្មណ៍ទាំងទឹកភ្នែកសម្រាប់ស៊ីហ្គេមចុងក្រោយ

2015-06-16 20:43:21
ប្រវត្តិ

2015-06-16 20:43:21
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករបាល់បោះជម្រើសជាតិកម្ពុជាលោក សាក់ រតនា ដែលលេចធ្លោនៅក្នុងព្រឹត្តិការណ៍កីឡាស៊ីហ្គេមលើកទី២៨នេះបានបង្ហាញអារម្មណ៍រំភើបរីករាយពោរពេញដោយមោទនភាពដែលបានលេងតំណាងឲ្យប្រទេសកម្ពុជា។

កីឡាករ សាក់ រតនា (លេខ៦)ក្នុងក្រុមបាល់បោះជម្រើសជាតិ

មុននេះបន្តិច សាក់ រតនា បាននិយាយតាម Facebook របស់ខ្លួនថា ៖«ថ្ងៃចុងក្រោយនៅសិង្ហបុរី ស៊ីហ្គេមចប់ហើយ កំពុងត្រៀមខ្លួនចូលរួមពិធីបិទ។ ស៊ីហ្គេមលើកនេះប្រហែលជាស៊ីហ្គេមចុងក្រោយសម្រាប់ខ្ញុំជាកីឡាករជាមួយជម្រើសជាតិ។ អ្នកខ្លះប្រហែលជាមិនបានចាប់អារម្មណ៍ទេ តែខ្ញុំបានស្រក់ទឹកភ្នែក បន្ទាប់ពីប្រកួតជាមួយក្រុមម៉ាឡេស៊ី ពីព្រោះខ្ញុំស្រលាញ់ប្រទេសរបស់ខ្ញុំ ហើយខំប្រឹងខ្លាំងណាស់ដើម្បីមកទីនេះ។ ខ្ញុំមានពេលវេលាដ៏អស្ចារ្យក្នុងជីវិតដែលបានលេងឲ្យប្រទេសកម្ពុជា។ អរគុណអ្នកគាំទ្រ បុគ្គលិក និងគ្រូបង្វឹកដែលបានបង្កើតឲ្យការធ្វើដំណើរនេះពិសេសបំផុត។ នៅ ថ្ងៃសៅរ៍សប្តាហ៍នេះ ខ្ញុំលេងឲ្យក្រុម Pate 310 នៅស្តាតអូឡាំពិក»។

កីឡាករ សាក់ រតនា លេង ៦

សាក់ រតនាជាកីឡាករបាល់បោះកម្ពុជាដែលកំពុងរស់នៅទីកេប៊ិច ប្រទេសកាណាដាដែលបានជួយរកពិន្ទុដល់ក្រុមកម្ពុជាជាច្រើន។ លោកបានលេងទាំងជើងរបស់គេមានរបួសសម្រាប់ស៊ីហ្គេមឆ្នាំនេះ។ កាលព្រឹត្តិការណ៍កីឡាស៊ីហ្គេមឆ្នាំ២០១៣កន្លងទៅកីឡាកររូបនេះក៏បានមកលេងឲ្យក្រុមបាល់បោះជម្រើសជាតិកម្ពុជាដែរ។ ដោយសារអាយុកាន់តែច្រើន កីឡាកររូបនេះទំនងជាមិនអាចលេងឲ្យក្រុមជម្រើសជាតិសម្រាប់ស៊ីហ្គេមលើកក្រោយទៀតទេ៕