- 2023-11-11 13:13:23
- កីឡាផ្សេងៗ
កីឡាករ ប៉ែន សំបូរ៖ រំភើបបានចូលរួម IAME Series Asia និងអរគុណម្ចាស់ឧបត្ថម្ភដែលបង្កើតឲ្យមានព្រឹត្តិការណ៍នេះឡើង
- 2023-11-11 13:13:23
- ចំនួនមតិ 0 | ចំនួនចែករំលែក 0
កីឡាករ ប៉ែន សំបូរ៖ រំភើបបានចូលរួម IAME Series Asia និងអរគុណម្ចាស់ឧបត្ថម្ភដែលបង្កើតឲ្យមានព្រឹត្តិការណ៍នេះឡើង
ចន្លោះមិនឃើញ
កីឡាករ ប៉ែន សំបូរ ថាមានអារម្មណ៍រីករាយណាស់ដែលបានចូលរួមព្រឹត្តិការណ៍កម្រិតអន្តរជាតិ IAME Series Asia ដែលរៀបចំឡើងនៅទីលាន YAMAMOTO CIRCUIT CAMBODIA ខេត្តកំពង់ស្ពឺ និងអរគុណជាខ្លាំងចំពោះម្ចាស់អ្នកឧបត្ថម្ភនានាដែលរួមចំណែកបង្កើតកម្មវិធីនេះឡើង។
ប៉ែន សំបូរ បានឲ្យដឹងថា ចំពោះការចូលរួមប្រកួតនៅលើទីលាន YAMAMOTO CIRCUIT នេះជាលើកទី៣ ហើយសម្រាប់ខ្លួន។ លើកនេះជាព្រឹត្តិការណ៍លំដាប់អន្តរជាតិមានច្រើនប្រទេសចូលរួម ដូច្នេះរូបគេពិតជាមានចិត្តសប្បាយរីករាយខ្លាំងណាស់។
សមាជិកមកពីក្រុម STR RACING TEAM លើកឡើងទៀតថា ពិតជាចង់ឲ្យមានការប្រកួតធំៗបែបនេះឲ្យបានច្រើនទៀតណាស់ដើម្បីពង្រឹងសមត្ថភាព និងទទួលបានបទពិសោធពីការចូលរួមបន្ថែមទៀត។ មួយវិញទៀតជាការលើកស្ទួយវិស័យកីឡាយានយន្តផងដែរ។ សំបូរ ក៏មិនភ្លេចឡើងអរគុណដល់បណ្ដាក្រុមហ៊ុនឧបត្ថម្ភនានាពិសេសក្រុមហ៊ុន ប្រេងរំអិល ELF និង ប្រេងឥន្ធនៈ Excellium 95 Euro 4 នៃក្រុមហ៊ុន TotalEnergies ដែលបានរួមចំណែកបង្កើតការប្រកួតនេះឡើង។
បញ្ជាក់ដែរថា ព្រឹត្តិការណ៍នៃការប្រកួតប្រណាំងឡាន IAME Series Asia នៅថ្ងៃទី១១ ខែវិច្ឆិកា ឆ្នាំ២០២៣ នេះគឺមាន ប្រណាំងម៉ូតូ Underbone150នៅពេលព្រឹក។ ដោយឡែកនៅរសៀរថ្ងៃនេះគឺជាការសមទីលានសម្រាប់ GO-KART។ សម្រាប់ថ្ងៃស្អែកនេះការប្រកួតជាផ្លូវការចាប់ផ្ដើមហើយ ដូច្នេះប្រិយមិត្តអ្នកចង់ទស្សនាផ្ទាល់អាចអញ្ជើញចូលរួមដោយសេរីនៅ YAMAMOTO CIRCUIT CAMBODIA ខេត្តកំពង់ស្ពឺ៕
