- 2022-05-23 04:06:32
- បាល់ទាត់
U23 ថៃជ្រុះលុយជិតកន្លះលានដុល្លារ ក្រោយចាញ់វៀតណាម ១-០
- 2022-05-23 04:06:32
- ចំនួនមតិ 0 | ចំនួនចែករំលែក 0
U23 ថៃជ្រុះលុយជិតកន្លះលានដុល្លារ ក្រោយចាញ់វៀតណាម ១-០
ចន្លោះមិនឃើញ
ក្រុមជម្រើសជាតិក្រោមអាយុ២៣ឆ្នាំរបស់ថៃបានរបូតឱកាសទទួលបានប្រាក់រង្វាន់៤៣ម៉ឺនដុល្លារទៅហើយ ក្រោយពីពួកគេលេងចាញ់ក្រុមម្ចាស់ផ្ទះវៀតណាម ១-០ នៅប្រកួតចុងក្រោយ។
U23 ថៃមុនការប្រកួតទទួលបានការឧបត្ថម្ភច្រើនមែនទែនពីខាងសហព័ន្ធបាល់ទាត់ថៃផង ពីខាងដៃគូសហការផង និងពីខាងអ្នកចាត់ការ Madam Pang ផង។ ដោយសរុបជាប្រាក់ទៅប្រមាណជា៤៣ម៉ឺនដុល្លារឯណោះ ដែលជារង្វាន់ត្រៀមសម្រាប់ពួកគេ ប្រសិនបើអាចយកមេដាយមាសមកជូនជាតិបាន។ តែចុងក្រោយប្រាក់ក្បែរកន្លះលានដុល្លារនេះ ត្រូវរបូតពីដៃហើយ ក្រោយពីវៀតណាមយកឈ្នះបានក្នុងលទ្ធផល ១-០។
វាជាលទ្ធផលខកចិត្តមែនទែនសម្រាប់ក្រុម U23 ថៃ ត្បិតអីពួកគេបានរៀបចំក្រុមល្អណាស់និងមានទំនុកចិត្ដខ្ពស់ផងដែរមុនការប្រកួត។ តែយ៉ាងណា ម្ចាស់ផ្ទះវៀតណាមដែលមានអ្នកគាំទ្រពេញកីឡដ្ឋានក្រហមឆ្អៅនោះ ពិតជាលេងបានល្អ ជាពិសេសប្រព័ន្ធការពាររបស់ពួកគេ និងវាយបកបានច្បាស់ៗ ធ្វើឱ្យថៃមិនអាចទប់ជាប់នោះទេនៅចុងម៉ោង។ ប្រព័ន្ធការពារដ៏រឹងដូចដែកថែបនេះ បានធ្វើឱ្យក្រុមវៀតណាមឈ្នះមេដាយមាស ដោយមិនរបូត១គ្រាប់នោះទេ៕
