Bercelona បាន​ច្រាន​ចោល​ហើយ​លើ​សំណើ ក្នុង​ការ​ទិញ​យក Nico​​ Williams នា​រដូវ​ក្ដៅ​នេះ​ នេះ​ក៏​ព្រោះ​ថា រដូវ​កាល​នេះ​ពួក​គេ​គិត​ថា ហាក់​មាន​ភាព​ល្អ​ប្រសើរ​ដែល​មិនត្រូវ​ការ​នាំ​ចូល​ទៀត​ទេ​។

Nico ​ជា​ខ្សែ​បម្រើ​ស្លាប​ដ៏​មាន​សក្ដានុពល​របស់​ Athletic Bilbao ដែល​ពេល​នេះ​កំពុង​តែជួយ​ក្រុម​ល្មម​ៗ​មួយ​នេះ​​ឲ្យ​ស្ថិត​នៅ​ក្នុង​​កម្រិត Top 4 នៃ​តារាង La Liga ។ យ៉ាង​ណា​​ក្រុម​អ្នក​មាន​បុណ្យ​បាន​ព្យាយាម​ទាក់​ទង​ និង​អន្ទង​ចិត្ត​ខ្សែ​បម្រើ​ស្លាប​ជម្រើស​ជាតិ​អេស្ប៉ាញ​មួយ​នេះ​ច្រើន​លើក​មក​ហើយ តែ​ត្រូវ​បាន​ Bilbao ច្រាន​ចោល​ ព្រោះ​តែ​សាញ​​រឿង​តម្លៃ​។

​Nico​​ Williams ជា​យុវជន​របស់ ​ Athletic Bilbao និង​បច្ចុប្បន្នជា​កីឡាករ​ដ៏​សំខាន់​ក្នុង​ក្រុម​មួយ​នេះ​​ ព្រម​ទាំង​ជា​កីឡាករ​ជម្រើស​ជាតិ​អេស្ប៉ាញ​ដែល​ត្រូវ​បាន​គេ​មើល​ឃើញ​ថា លេង​យល់​ចិត្ត​គ្នា​ល្អ​ជាមួយ​ Yamal ថែម​ទៀត​ផង​៕ ​