/5cf94242c5635_1559839260_medium.jpg)
- 2019-06-06 23:30:00
- បាល់ទាត់
គ្រូកម្ពុជា៖ ការឈរមើលក្រោមតំណក់ទឹកភ្លៀងរបស់អ្នកគាំទ្រ បានជួយកែប្រែស្ថានភាពប្រកួត
- 2019-06-06 23:30:00
- ចំនួនមតិ 0 | ចំនួនចែករំលែក 0
គ្រូកម្ពុជា៖ ការឈរមើលក្រោមតំណក់ទឹកភ្លៀងរបស់អ្នកគាំទ្រ បានជួយកែប្រែស្ថានភាពប្រកួត
ចន្លោះមិនឃើញ
គ្រូជម្រើសរើសជាតិបាល់ទាត់កម្ពុជា ថ្លែងអំណរគុណដល់អ្នកគាំទ្រដែលសុទ្ធចិត្តឈរមើល និងគាំទ្រក្រុមគោព្រៃកម្ពុជាទាំងកណ្ដាលភ្លៀង នេះជាកម្លាំងចិត្តដ៏ធំចំពោះកីឡាករ ហើយនេះជាសម្ពាធមួយដល់ក្រុមប៉ាគីស្ថានផងដែរ។
លោក Felix បានឲ្យដឹងថា បើទោះជាភ្លៀងកំពុងធ្លាក់ខ្លាំងយ៉ាងណាក៏ដោយ ប៉ុន្តែពួកគេនៅតែគាំទ្រដោយពេញចិត្ត នេះបានបង្ហាញអំពីសន្ដានចិត្ត និងចិត្តស្រឡាញ់ដល់ក្រុមបាល់ទាត់កម្ពុជា ហើយក៏ជាកត្តាដែលធ្វើឲ្យកីឡាកររឹតតែខំប្រឹងប្រកួតបន្ថែមទៀត។ លោកពិតជាអរគុណអ្នកគាំទ្រខ្លាំងណាស់ចំពោះការប្រកួតយប់មិញនេះ។
គ្រូបង្វឹកដែលកំពុងទទួលការចាប់អារម្មណ៍ខ្លាំងពីអ្នកនិយមបាល់ទាត់កម្ពុជាខាងលើបន្ថែមទៀតថា ការមកគាំទ្រយប់មិញ ជាពិសេសឈរមើលក្រោមតំណក់ទឹកភ្លៀងនេះ គឺវាបានជួយក្រុមកម្ពុជាបានច្រើន រួមធ្វើឲ្យស្ថានភាពការប្រកួតខុសប្លែក មានអាទិភាព និងមានភាពវិជ្ជមានច្រើនលើទីលាន។
ការប្រកួតជើងទី១ វគ្គជម្រុះពានរង្វាន់ FIFA World Cup 2022 ដែលកម្ពុជាជាម្ចាស់ផ្ទះយប់មិញនេះ គឺឈ្នះក្រុមភ្ញៀវ ប៉ាគីស្ថាន ដោយលទ្ធ ២-០ នៅឯពហុកីឡដ្ឋានជាតិ។ ចំណែកជើងទី២ នឹងត្រូវធ្វើឡើងឯប្រទេសកាតា៕
