- 2018-07-09 07:50:22
- វិភាគ
កីឡាករ៣រូបប្រដេញគ្នាយកស្បែកជើងមាស World Cup
- 2018-07-09 07:50:22
- ចំនួនមតិ 0 | ចំនួនចែករំលែក 0
កីឡាករ៣រូបប្រដេញគ្នាយកស្បែកជើងមាស World Cup
ចន្លោះមិនឃើញ
FIFA World Cup ២០១៨បានឈានដល់វគ្គពាក់កណ្ដាលផ្ដាច់ព្រ័ត្រស្របពេលជយលាភីឈ្នះស្បែកជើងមាសក៏ជិតរកឃើញហើយដែរ។
យោងតាមច្បាប់របស់ FIFA កីឡាករដែលស៊ុតចូលច្រើនជាងគេនឹងឈ្នះស្បែកជើងមាស តែក្នុងករណីគ្រាប់ស្មើគ្នាគេនឹងមើលទៅលើថាតើកីឡាករណាមានគ្រាប់ប៉េណាល់ទីតិចជាង ហើយបើស្មើទៀតគេមើលទៅលើនាទីដែលកីឡាករនោះបង្ហាញខ្លួនលើទីលាន តើមួយណាចំណាយពេលលេងតិចជាង។
ម្ចាស់ស្បែកជើងមាស World Cup កាលពីអតីតកាលមានដូចជា Eusebio, Gerd Muller, Kempes, Linekar, Miroslav Klose និង James Rodriguez តែសម្រាប់ឆ្នាំ២០១៨នេះ មានកីឡាករ៣រូបដែលសង្ឃឹមឈ្នះច្រើនជាងគេដូចជា៖
#៣ Kylian Mbappe
Mbappe គឺជាកីឡាករលេចធ្លោជាងគេមួយរូបនៅ World Cup ២០១៨។ ខ្សែប្រយុទ្ធវ័យ១៩ឆ្នាំបង្ហាញខ្លួនបាន៣៥៤នាទី ស៊ុតបញ្ចូលទីបាន៣គ្រាប់ ហើយគ្រាប់ទាំងនោះគ្មានបាល់ប៉េណាល់ទីទេ ស្របពេលបារាំងឈានដល់វគ្គពាក់កណ្ដាលផ្ដាច់ព្រ័ត្រធ្វើឲ្យ Mbappe នៅតែមានឱកាសរកគ្រាប់បាល់បន្ថែមទៀត។
#២ Romelu Lukaku
Lukaku ស៊ុតបញ្ចូលទីបាន៤គ្រាប់ក្នុងការលេងបាន ៣២៦នាទីលើទីលាន។ ៤គ្រាប់របស់ Lukaku គ្មានបាល់ប៉េណាល់ទីដូចគ្នា ក្រៅពីនោះគេក៏បានបញ្ជូនឲ្យមិត្តរួមក្រុម (Assist) បាន១គ្រាប់ដែរ។ ខ្សែប្រយុទ្ធមកពី Manchester United នៅតែអាចរកគ្រាប់ថែមដោយសារ បែលហ្សិកឡើងវគ្គពាក់កណ្ដាលផ្ដាច់ព្រ័ត្រ។
#១ Harry Kane
Kane សង្ឃឹមខ្ពស់ជាងគេក្នុងការកាន់កាប់ស្បែកជើងមាស ក្រោយរកបាន៦គ្រាប់ម្នាក់ឯង ហើយអង់គ្លេសមានកៅអីវគ្គពាក់កណ្ដាលផ្ដាច់ព្រ័ត្រថែមទៀត។ ប្រធានក្រុមតោកំណាចស៊ុតចូលគោលដៅ៦ជើង ចូលទី៦គ្រាប់ក្នុងការបង្ហាញខ្លួន ៣៦៣នាទីលើទីលាន។ ទោះយ៉ាងនេះក្ដី៣គ្រាប់របស់គេបានមកពីការទាត់បាល់ប៉េណាល់ទី៕