- 2016-04-26 13:10:15
- ព័ត៌មាន
មិត្តភាពស៊ុតបាន៣គ្រាប់ កែវ សុខផេង ប្រាប់ដំណើរជួយភ្នំពេញក្រោន
- 2016-04-26 13:10:15
- ចំនួនមតិ 0 | ចំនួនចែករំលែក 0
មិត្តភាពស៊ុតបាន៣គ្រាប់ កែវ សុខផេង ប្រាប់ដំណើរជួយភ្នំពេញក្រោន
ចន្លោះមិនឃើញ
ខែ្សបម្រើប្រយុទ្ធ កែវ សុខផេង ដែលខកខាននៅលើទីលានជាច្រើនខែតាំងពីមានរបួសពេលជម្រើសជាតិប្រកួតនឹងជប៉ុន កាលពីខែ វិច្ឆិកា ឆ្នាំ២០១៥ នឹងវិលចូលទីលានដើម្បីជួយក្រុមភ្នំពេញក្រោនបានពេញលេញវិញហើយ។
កែវ សុខផេង ដែលស៊ុតបញ្ចូលទីបាន២គ្រាប់ក្នុងជំនួបមិត្តភាពដែលភ្នំពេញក្រោនឈ្នះអាស៊ីអឺរ៉ុប៤-១ កាលពីថ្ងៃសៅរ៍កន្លងទៅប្រាប់ Sabay ថា របួសរបស់គេនៅពេលនេះ គឺជាសឹងតែ១០០% ហើយ ប៉ុន្តែរូបគេនៅខ្សោយកម្លាំងតិចតួច ដែលជាមូលហេតុ មិនអាចចូលរួមជាមួយក្រុមបានពេញលេញ។
កីឡាករវ័យក្មេងលេចធ្លោនៅស៊ីហ្គេមកាលពីឆ្នាំ២០១៥បន្តថា សព្វថ្ងៃនេះ រូបគេកំពុងខំប្រឹងហ្វឹកហាត់ជាប្រចាំ និងលេងបានចូលលេងក្នុងជំនួបមិត្ដភាពជារឿយៗដើម្បីឲ្យប្រាកដថា ទាំងកម្លាំង និងបច្ចេកទេសឡើងដូចដូចដើមដែលអាចជួយក្រុមរបស់ខ្លួនក្នុងលីគតែម្តង។
កាលពីប៉ុន្មានសប្តាហ៍មុន កែវ សុខផេង ក៏បានបង្ហាញខ្លួននៅតង់ទីពីរនៅពេលក្លឹបភ្នំពេញក្រោនប្រកួតនឹងក្រុមវេស្ទើនភ្នំពេញនៃលីគបាល់ទាត់កំពូលកម្ពុជា។ ថ្ងៃសុក្រកន្លងទៅនេះ រូបគេស៊ុតបានមួយគ្រាប់នៅពេលភ្នំពេញក្រោនប្រកួតស្មើនឹងក្រុមប៉ូលិសសម្រាប់ការប្រកួតមិត្តភាព។ រឹតតែគួរឲ្យចាប់អារម្មណ៍ទៀតនោះ រូបគេស៊ុតបាន២គ្រាប់ពេលភ្នំពេញក្រោនឈ្នះអាស៊ីអឺរ៉ុប ៤-១ កាលពីថ្ងៃអាទិត្យម្សិលមិញក្នុងជំនួបមិត្តភាព។
កីឡាករ កែវ សុខផេង បានរងរបួសប្រេះកែងជើង ក្នុងជំនូបរវាង កម្ពុជា ទល់នឹង ជប៉ុន កាលពីថៃ្ងទី ១៧ ខែវិចិ្ឆកាឆ្នាំ២០១៥ នៅពហុកីឡដ្ឋានជាតិ ក្នុងវគ្គប្រកួតជម្រុះជុំទី២ នៃពានរង្វាន់ World Cup ឆ្នាំ២០១៨ ដែលនៅពេលនោះម្ចាស់ផ្ទះ កម្ពុជា បានចាញ់ក្រុមភ្ញៀវ ជប៉ុន ដោយលទ្ធផល ២-០៕
អត្ថបទ៖ មួន សុគន្ធតារា
