- 2019-03-29 01:29:58
- ព័ត៌មាន
Kane គ្រោងនាំកីឡាករឈប់លេង និងចេញពីតារាង បើមានការរើសអើងម្ដងទៀត
- 2019-03-29 01:29:58
- ចំនួនមតិ 0 | ចំនួនចែករំលែក 0
Kane គ្រោងនាំកីឡាករឈប់លេង និងចេញពីតារាង បើមានការរើសអើងម្ដងទៀត
ចន្លោះមិនឃើញ
Harry Kane ក្នុងនាមជាប្រធានក្រុមជម្រើសជាតិអង់គ្លេសអាចពិចារណាដឹកនាំកីឡាករឈប់លេងបាល់ និងដើរចេញពីតារាងប្រកួតហើយបើសិនជួបការស្រែករើសអើងពូជសាសន៍សារជាថ្មីពីសំណាក់អ្នកគាំទ្រ។
ភាពចម្រូងចម្រាសនេះកើតឡើងក្រោយអ្នកគាំទ្រម៉ុងតេណេហ្គ្រោ បង្ហាញអាកប្បកិរិយារើសអើងពូជសាសន៍ដល់កីឡាករអង់គ្លេសដែលមានសម្បុរខ្មៅក្នុងការប្រកួតជម្រុះ Euro 2020 កាលពីថ្ងៃចន្ទ។ កីឡាករស្បែកខ្មៅរបស់អង់គ្លេសមួយចំនួនដូចជា Danny Rose, Callum Hudson-Odoi និង Raheem Sterling ត្រូវគេស្រែកហៅថា "សត្វស្វា"។
ក្រោយការស៊ើបអង្កេតលើការរើសអើងពូជសាសន៍នេះ UEFA បានពិន័យចំពោះសហព័ន្ធម៉ុងតេណេហ្គ្រោ ប៉ុន្តែការពិន័យដែលគ្មានប្រសិទ្ធិភាពនេះមិនបានធ្វើឲ្យកីឡាករអង់គ្លេសស្ងប់ចិត្តទេ ពិសេសគឺ Harry Kane ជាប្រធានក្រុមតែម្ដង ព្រោះចង់មិនចង់លើកក្រោយពួកគេនឹងជួបរឿងរើសអើងពូជសាសន៍នេះម្ដងទៀត។
“វាជាហេតុការណ៍ដ៏អាក្រក់ និងមិនអាចទទួលយកបានមិនថាក្នុងកីឡាបាល់ទាត់ ឬក៏ជីវិតរស់នៅប្រចាំថ្ងៃទេ។ ខ្ញុំពិតជាសរសើរកីឡាកររបស់យើងដែលអត់ធ្មត់នឹងការរើសអើង ហើយប្រឹងប្រែងលេងយ៉ាងយកចិត្តទុកដាក់រហូតចប់ការប្រកួត"។ Kane និយាយដូច្នេះ។ គួរបញ្ជាក់ថាអង់គ្លេសបានយកឈ្នះ ម៉ុងតេណេហ្គ្រោ ៥-១៕