- 2018-08-30 03:17:03
- ប្រវត្តិ
មកដឹងរឿងរ៉ាវចាប់ឆ្នោត Champions League វគ្គចែកពូលយប់នេះ
- 2018-08-30 03:17:03
- ចំនួនមតិ 0 | ចំនួនចែករំលែក 0
មកដឹងរឿងរ៉ាវចាប់ឆ្នោត Champions League វគ្គចែកពូលយប់នេះ
ចន្លោះមិនឃើញ
ការប្រកួតពានរង្វាន់ក្លឹបអាជីពទ្វីបអឺរ៉ុបដ៏ធំដែលគ្រប់គ្នាស្គាល់ថា UEFA Champions League នោះនឹងចាប់ឆ្នោតរើសពូលហើយនៅថ្ងៃនេះបន្ទាប់ពីការប្រកួតវគ្គជម្រុះបានបញ្ចប់ទៅកាលពីយប់មិញ។ ខាងក្រោមគឺជាព័ត៌មានមួយចំនួនដែលប្រិយមិត្តគួរដឹង៖
១. ពេលវេលានិងទីតាំង
UEFA Champions League វគ្គចែកពូលនឹងធ្វើការចាប់ឆ្នោតនៅម៉ោង១១យប់នេះ ម៉ោងនៅកម្ពុជា ហើយទីតាំងគឺធ្វើនៅ Grimaldi Forum ស្ថិតក្នុងប្រទេសម៉ូណាកូ។
២. មើលការចាប់ឆ្នោត
ប្រិយមិត្តជុំវិញពិភពលោកអាចមើលការផ្សាយផ្ទាល់ពិធីចាប់ឆ្នោតដោយឥតគិតថ្លៃនៅលើគេហទំព័រ UEFA.COM និងលើទំព័រ Facebook, Twitter, Youtube ផ្លូវការរបស់ UEFA។
៣. ដំណើរការ
ច្បាប់ថ្មីគឺក្រុមចំនួន២៦នឹងឡើងទៅវគ្គចែកពូលដោយស្វ័យប្រវត្តិស្របពេលក្រុម៦ផ្សេងទៀតគឺឡើងមកតាមរយៈការជម្រុះ Play-off។
ក្រុមទាំងអស់នឹងបែកចែកទៅក្នុងចាន ឬក៏ Pot ចាប់ឆ្នោត៤ផ្សេងគ្នា។ Pot ទី១ គឺក្រុមជើងឯកចាស់ និងក្រុមជើងឯកមកពីប្រទេសមានចំណាត់ថ្នាក់ខ្ពស់បំផុតចំនួន៦។ Pot ទី២ ដល់ទី៤គឺគិតទៅតាមចំណាត់ថ្នាក់របស់ក្រុមទាំងនោះ។
ក្រុមមកពីលីគ ឬក្របខ័ណ្ឌតែមួយនឹងមិនជួបគ្នាទេនៅវគ្គនេះ។ លទ្ធផលចាប់ឆ្នោតរបស់ក្រុមឈុតធំយ៉ាងណា ក្រុមយុវជនរបស់ពួកគេក៏នឹងត្រូវលេងបែបនោះដូចគ្នានៅពាន UEFA Youth League។ ឧទាហរណ៍៖ Liverpool ប៉ះ Real Madrid វគ្គចែកពូល Champions Leagueដូច្នេះ យុវជន Liverpool ត្រូវប៉ះ យុវជន Real Madrid នៅវគ្គចែកពូល UEFA Youth League។
៤. ក្រុមដែលមានកៅអី
អេស្ប៉ាញ៖ Real Madrid, Atlético Madrid, Barcelona, Valencia
អាល្លឺម៉ង់៖ Bayern München, Borussia Dortmund, Schalke, Hoffenheim
អង់គ្លេស៖ Manchester City, Manchester United, Tottenham Hotspur, Liverpool
អ៊ីតាលី៖ Juventus, Napoli, Roma, Internazionale Milano
បារាំង៖ Paris Saint-Germain, Lyon, Monaco
រុស្ស៊ី៖ Lokomotiv Moskva, CSKA Moskva
ព័រទុយហ្គាល់៖ Porto, Benfica
អ៊ុយក្រែន៖ Shakhtar Donetsk
បែលហ្ស៊ិក៖ Club Brugge
ទួរគី៖ Galatasaray
ឆែក៖ Viktoria Plzeň
ស្វីស៖ Young Boys
ហូឡង់៖ Ajax, PSV Eindhoven
ក្រិក៖ AEK Athens
ស៊ែប៖ Crvena zvezda
៥. ក្រុមតាម POT ចាប់ពូល
៦. កាលវិភាគប្រកួត
១៨/១៩ ខែកញ្ញា លេងវគ្គចែកពូលប្រកួតទីមួយ
២/៣ ខែតុលា លេងវគ្គចែកពូលប្រកួតទីពីរ
២៣/២៤ ខែតុលា លេងវគ្គចែកពូលប្រកួតទីបី
៦/៧ ខែវិច្ឆិកា លេងវគ្គចែកពូលប្រកួតទីបួន
២៧/២៨ ខែវិច្ឆិកា លេងវគ្គចែកពូលប្រកួតទីប្រាំ
១១/១២ ខែធ្នូ លេងវគ្គចែកពូលប្រកួតទីប្រាំមួយ៕