- 2023-03-30 04:02:05
- ប្រវត្តិ
វ៉ា មិថុនា កីឡាករសាងកំណត់ត្រាប្រភេទកីឡាតេក្វាន់ដូ WT នៅស៊ីហ្គេម
- 2023-03-30 04:02:05
- ចំនួនមតិ 0 | ចំនួនចែករំលែក 0
វ៉ា មិថុនា កីឡាករសាងកំណត់ត្រាប្រភេទកីឡាតេក្វាន់ដូ WT នៅស៊ីហ្គេម
ចន្លោះមិនឃើញ
វ៉ា មិថុនាធ្លាប់សាងបានកំណត់ត្រាជាកីឡាករដំបូងដណ្ដើមបានមេដាយមាសក្នុងប្រភេទកីឡា តេក្វាន់ដូ WT វិញ្ញាសាប្រយុទ្ធផ្នែកបុរស កាលពីព្រឹត្តិការណ៍ស៊ីហ្គេមលើកទី៣១នៅប្រទេសវៀតណាមឆ្នាំ២០២២។
មិថុនាបានតំណាងឲ្យកម្ពុជាចូលប្រកួតក្នុងប្រភេទទម្ងន់ Lightweight (ស្មើនឹង៧៤គីឡូក្រាម) នៅប្រទេសវៀតណាមឆ្នាំមុន។ អំឡុងពេលប្រកួតគិតត្រឹមវគ្គពាក់កណ្ដាលផ្ដាច់ព្រ័ត្រ មិថុនាបានយកឈ្នះកីឡាករម្ចាស់ផ្ទះវៀតណាមដោយពិន្ទុ ៣៦ទល់នឹង១៨។
តាមរយៈជ័យជម្នះនេះ គេបានឡើងទៅកាន់វគ្គផ្ដាច់ព្រ័ត្រប៉ះជាមួយកីឡាករហ្វីលីពីន។ ពិតជាមិនខកចិត្ត កីឡាករវ័យ២៣ឆ្នាំរបស់កម្ពុជាបានយកឈ្នះកីឡាករហ្វីលីពីនក្នុងវគ្គផ្ដាច់ព្រ័ត្រដោយពិន្ទុ ៣៥ទល់នឹង១៤ ដណ្ដើមបានមេដាយមាសជូនជាតិយ៉ាងអស្ចារ្យ។
វាបានធ្វើឲ្យគេក្លាយជាកីឡាករដំបូងដណ្ដើមបានមេដាយមាសក្នុងប្រភេទកីឡា តេក្វាន់ដូ WT វិញ្ញាសាប្រយុទ្ធផ្នែកបុរស ខណៈផ្នែកស្ដ្រីធ្លាប់ធ្វើបានដោយវីរៈនារី ស៊ន សៀវម៊ី។
រៀបរាប់ពីប្រវត្តិខ្លះៗ វ៉ា មិថុនា ជាកីឡាករមានទីកន្លែងកំណើតនៅទីក្រុងភ្នំពេញ និងបញ្ចប់ការសិក្សាត្រឹមមធ្យមសិក្សាទុតិយភូមិ។ គេបានចូលហ្វឹកហាត់ក្បាច់គុន តេក្វាន់ដូ WT តាំងពីឆ្នាំ២០១៥ រហូតដល់បច្ចុប្បន្ន។ កីឡាកររូបនេះធ្លាប់បានចេញទៅហ្វឹកហាត់នៅក្រៅប្រទេសបានច្រើនពិសេសនៅកូរ៉េខាងត្បូង។
ចំពោះការប្រកួតក្នុងស្រុក មិថុនាធ្លាប់ទទួលបានមេដាយមាសជាច្រើនគ្រឿង និងធ្លាប់ឈ្នះមេដាយមាសនៅកម្មវិធី world police & Fire game 2022 ប្រទេសហូឡង់។ ថ្មីៗនេះ វ៉ា មិថុនាក៏ត្រូវបានជ្រើសរើសជាអត្តពលិកម្នាក់ដើម្បីទទួលព្រះអគ្គីជ័យកីឡាពីព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា៕
