- 2023-03-13 03:48:08
- ប្រវត្តិ
យ៉េន ឌីណា ជាកីឡាករគុនខ្មែរទី២ដណ្ដើមបានមេដាយមាសនៅស៊ីហ្គេម
- 2023-03-13 03:48:08
- ចំនួនមតិ 0 | ចំនួនចែករំលែក 0
យ៉េន ឌីណា ជាកីឡាករគុនខ្មែរទី២ដណ្ដើមបានមេដាយមាសនៅស៊ីហ្គេម
ចន្លោះមិនឃើញ
ក្នុងព្រឹត្តិការណ៍ស៊ីហ្គេមលើកទី៣១ឆ្នាំ២០២១ ដែលរៀបចំនៅប្រទេសវៀតណាម កម្ពុជាដណ្ដើមបានមេដាយមាសមួយគ្រឿងក្នុងប្រភេទកីឡាប្រដាល់សេរី ធ្វើបានដោយកីឡាករប៉ោង ភារិទ្ធ ដែលគ្រប់គ្នាស្គាល់ថាជា យ៉េន ឌីណា។
យ៉េន ឌីណា ពេលនោះបានតំណាងឲ្យកម្ពុជាប្រកួតក្នុងប្រភេទទម្ងន់៦៣,៥គីឡូក្រាម។ ប្រកួតទីមួយរបស់គេបានយកឈ្នះកីឡាករហ្វីលីពីន មុនពេលទៅឈ្នះកីឡាករថៃ Norapat Khundam នៅវគ្គពាក់កណ្ដាលផ្ដាច់ព្រ័ត្រ។
ក្រោយឈ្នះពីរប្រកួតជាប់គ្នា ឌីណាត្រូវឡើងទៅប្រកួតក្នុងវគ្គផ្ដាច់ព្រ័ត្រដណ្ដើមមេដាយមាសជាមួយកីឡាករម្ចាស់ផ្ទះវៀតណាម Truong Cao Minh Phat ដែលបានយកឈ្នះកីឡាករឡាវ Noy Huksamueang នៅវគ្គពាក់កណ្ដាលផ្ដាច់ព្រ័ត្រ។
ជាការប្រកួតក៏ស្វិតស្វាញ ក្រោមក្រសែតភ្នែកអ្នកចូលរួមទស្សនាផ្ទាល់រាប់ពាន់នាក់ យ៉េន ឌីណាមិនបានធ្វើឲ្យអ្នកគាំទ្រកម្ពុជាខកចិត្តឡើយ ដោយបានយកឈ្នះកីឡាករម្ចាស់ផ្ទះវៀតណាមដោយពិន្ទុ ដណ្ដើមបានមេដាយមាស។ វាបានធ្វើឲ្យគេក្លាយជាកីឡាករគុនខ្មែរទី២ បន្ទាប់ពីឃីម ឌីម៉ារកបានមេដាយមាសក្នុងប្រភេទកីឡាករប្រដាល់សេរីក្នុងព្រឹត្តិការណ៍ស៊ីហ្គេម។
ក្នុងព្រឹត្តិការណ៍ជាមួយឌីណានេះដែរ កីឡាករកម្ពុជា២រូបផ្សេងទៀតគឺ ឃីម បូរ៉ា និងព្រំ សំណាងដណ្ដើមបានមេដាយសំរឹទ្ធិម្នាក់មួយគ្រឿងទៀតជូនកម្ពុជា៕
