- 2018-01-18 08:55:27
- ព័ត៌មាន
បញ្ចប់វគ្គបណ្ដុះបណ្ដាលជិះកង់ម្សិលមិញសិក្ខាកាម យល់ដឹង៣ចំណុចសំខាន់ៗ
- 2018-01-18 08:55:27
- ចំនួនមតិ 0 | ចំនួនចែករំលែក 0
បញ្ចប់វគ្គបណ្ដុះបណ្ដាលជិះកង់ម្សិលមិញសិក្ខាកាម យល់ដឹង៣ចំណុចសំខាន់ៗ
ចន្លោះមិនឃើញ
គ្រូឧបទេសមកពីប្រទេសអូស្ត្រាលី ថា ក្រោយបញ្ចប់ការបណ្ដុះបណ្ដាលរយៈពេលប៉ុន្មានថ្ងៃនេះ សិក្ខាកាមទាំងអស់ បានយល់ដឹងពីចំណុចសំខាន់៣ ដែលចាំបាច់សម្រាប់ពួកគេយកទៅអនុវត្ត និងបង្រៀនបន្តដល់កីឡាករនៅក្លឹបរបស់ពួកគេ។
លោក Zgoznik Frank ដែលជាគ្រួឧបទេសក្នុងវគ្គបណ្ដុះបណ្ដាលគ្រូថ្នាល និងអត្តពលិកវ័យក្មេងបានឲ្យដឹងថា តាមរយៈការសិក្សាប៉ុន្មានថ្ងៃនេះ មើលឃើញថាសិក្ខាកាមមានការយកចិត្តទុកដាក់ និងព្យាយាមថែមទាំងមានការរីកចម្រើនល្អផងដែរ។
គ្រូឧបទេសរូបនេះបន្ថែមទៀតថា វគ្គសិក្សាប៉ុន្មានថ្ងៃនេះគឺលោកផ្ដោតឲ្យបានដឹង ទី១ ពីបច្ចេកទេសនៃការជិះកង់ ទី២ បច្ចេកទេសហូបចុក មិនថាមុនពេលប្រកួត ពេលប្រកួត និងក្រោយពេលចប់ការប្រកួតនោះទេ និងទី៣ ការថែរក្សាអនាម័យរាងកាយគួរធ្វើបែបណាទើបត្រឹមត្រូវ។ បើមើលតាមការសិក្សារយៈពេលខ្លីនេះ អត្តពលិកថ្នាលរបស់កម្ពុជាត្រូវការហ្វឹកហាត់ដិតដល់ច្រើនឆ្នាំទៀតទើបអាចចូលប្រឡូក ឬប្រកួតប្រជែងលើឆាកអន្តរជាតិបាន។
វគ្គបណ្ដុះបណ្ដាលគ្រូថ្នាល និងអត្តពលិកវ័យក្មេងនេះធ្វើឡើងតាំងពីថ្ងៃទី១៥ ដល់ ១៧ ខែមករា ម្សិលមិញនេះទើបបញ្ចប់ ក្រោមជំនួយថវិការបស់ក្រសួងអប់រំយុវជន និងកីឡា។ សម្រាប់វគ្គបណ្ដុះបណ្ដាលនេះបានចូលរួមសិក្ខាកាមមកពីបណ្ដាក្លឹបជិះកង់នានានៅតាមខេត្ត រាជធានី ដែលមានគ្រូឧបទេសមកពីប្រទេសអូស្ត្រាលីផងដែរ៕
