- 2022-06-08 03:44:15
- បាល់ទះ
សហព័ន្ធបាល់ទះ៖ វាជាសករាជថ្មីក្នុងការបង្កើតបាល់ទះនារីឡើងវិញ
- 2022-06-08 03:44:15
- ចំនួនមតិ 0 | ចំនួនចែករំលែក 0
សហព័ន្ធបាល់ទះ៖ វាជាសករាជថ្មីក្នុងការបង្កើតបាល់ទះនារីឡើងវិញ
ចន្លោះមិនឃើញ
សហព័ន្ធបាល់ទះកម្ពុជាបាន និងកំពុងធ្វើតេស្តជ្រើសរើសកីឡាការិនីបាល់ទះជម្រើសជាតិកម្ពុជា ក្នុងការត្រៀមទៅហ្វឹកហាត់នៅចិន កាលពីម្សិលមិញនេះនៅតារាងបាល់ទះវិសាខា។
ក្នុងការធ្វើតេស្តនេះលោក អាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា វាជាសករាជថ្មីមួយរបស់កម្ពុជា ក្នុងការធ្វើយ៉ាងណាបង្កើតបាល់ទះនារីឡើងវិញឲ្យខាងតែបាន។ បើទោះជាការបង្កើតវាមិនទាន់អាចជួយឲ្យកីឡានេះខ្លាំងក្នុងពេលនេះភ្លាមៗ ប៉ុន្តែត្រូវតែចាប់ផ្ដើមដើម្បីអនាគតបានប្រសើរឡើងវិញក្នុងវិស័យនេះ។
អគ្គលេខាធិការខាងលើបាននិយាយថា «ការបង្កើតនេះគឺជាសករាជថ្មីមួយទៀតដែលសហព័ន្ធរបស់យើងចាប់ផ្ដើមគិតគូរឡើងវិញ។ … សហព័ន្ធបាល់ទះបានកោះអញ្ជើញកីឡាការិនីនៅតាមបណ្ដាខេត្តមកធ្វើតេស្ត រហូតមកដល់ពេលនេះមានកីឡាការិនីមកខេត្តចំនួន១០ ឬ១១ហើយ ដែលបានដាក់ពាក្យ ហើយកីឡាការិនីទាំងអស់នឹងទទួលការធ្វើតេស្តជាបន្ទាប់ៗ»។
«សម្រាប់ការជ្រើសរើសនេះគឺដើម្បីចុចយកមួយចំនួនទៅហាត់បន្ថែមនៅចិន។ បើតាមគោលការណ៍គឺខាងចិនគេអោយ១៥នាក់ទាំងគ្រូនិងសិស្ស ប៉ុន្តែក្នុងដំណាក់បឋមនេះយើងនឹងជ្រើសរើសឲ្យលើសសិន ដើម្បីសម្រេចឲ្យបានមុនការជ្រើសរើសចុងក្រោយឲ្យបានល្អបំផុត»។ នេះជាការលើកឡើងបន្ថែមរបស់លោកបណ្ឌិតអគ្គលេខាធិការ។
ឥឡូវនេះកីឡាការិនីទាំងអស់កំពុងប្រមូលផ្ដុំនៅតារាងហ្វឹកហាត់បាល់ទះរបស់វិសាខា ដើម្បីធ្វើតេស្តជាបន្ទាប់ៗ ហើយថ្ងៃនេះក៏នៅតែបន្តធ្វើតេស្តផងដែរ។ ចំណែកពេលវេលានៃការចេញទៅហ្វឹកហាត់នៅចិនជាក់លាក់នោះនៅមិនទាន់សម្រេចបានឡើយ ព្រោះតែរង់ចាំការសម្រេចរបស់ CAMSOC និង NOCC ជាចុងក្រោយសិន៕