- 2022-06-07 08:24:50
- បាល់ទះ
ឯកឧត្ដម វ៉ី សំណាង និងឧត្ដមសេនីយ៍ទោ សម សាមួន ឧបត្ថម្ភថវិកា ៤០លានរៀលដល់ក្រុមបាល់ទះខេត្តកំពង់ស្ពឺ
- 2022-06-07 08:24:50
- ចំនួនមតិ 0 | ចំនួនចែករំលែក 0
ឯកឧត្ដម វ៉ី សំណាង និងឧត្ដមសេនីយ៍ទោ សម សាមួន ឧបត្ថម្ភថវិកា ៤០លានរៀលដល់ក្រុមបាល់ទះខេត្តកំពង់ស្ពឺ
ចន្លោះមិនឃើញ
ឧត្តមសេនីយ៍ទោ សម សាមួន ស្នងការនគរបាលនិងជាប្រធានក្លឹបកីឡាបាល់ទះខេត្ដកំពង់ស្ពឺ តំណាងដ៏ខ្ពង់ខ្ពស់ឯកឧត្តម វ៉ី សំណាង អភិបាលខេត្តកំពង់ស្ពឺកាលពីពេលថ្មីៗនេះ បានអញ្ជើញជួបសំណេះសំណាលជាមួយគណៈប្រតិភូ គ្រូបង្វឹក និងកីឡាករបាល់ទះខេត្តកំពង់ស្ពឺ ហើយថែមទាំងបានប្រគល់ថវិកាមួយចំនួនមុនចេញទៅប្រកួតបាល់ទះ ដណ្ដើមពានរង្វាន់បាល់ទះសម្ដេចក្រឡាហោម ស ខេង។
ក្នុងការជួបសំណេះសំណាលនោះដែរតាមរយៈឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ឯកឧត្តម វ៉ី សំណាង អភិបាលខេត្តកំពង់ស្ពឺបានឧបត្ថម្ភថវិកាចំនួន២០លានរៀល ខណៈឧត្តមសេនីយ៍ទោ សម សាមួន ក៏បានឧបត្ថម្ភថវិកាផ្ទាល់ខ្លួនចំនួន២០លានរៀលដែរដល់ក្លឹបបាល់ទះខេត្តកំពង់ស្ពឺ។
នេះជាទឹកចិត្តដ៏ថ្លៃថ្លារបស់ថ្នាក់ដឹកនាំខេត្តកំពង់ស្ពឺក្នុងការជួយជ្រោមជ្រែងវិស័យកីឡាបាល់ទះ។ ជាមួយគ្នានោះលោក សៅ សាមីត តំណាងឱ្យក្រុមកីឡាករ និងក្រុមគ្រូបង្វឹក បានថ្លៃអំណរគុណដល់ថ្នាក់ដឹកនាំខេត្តកំពង់ស្ពឺទាំងអស់ ហើយលោកប្ដេជ្ញាប្រឹងប្រែងអោយអស់ពីលទ្ធភាព ដើម្បីយកជ័យជម្នះជូនខេត្តកំពង់ស្ពឺ។
គួរបញ្ជាក់ថា ការជួបសំណេះសំណាលរបស់ឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺជាមួយក្លឹបបាល់ទះកំពង់ស្ពឺបានធ្វើឡើងកាលពីថ្ងៃទី០៦ ខែមីថុនា ឆ្នាំ២០២២ នៅមន្ទីរអប់រំ យុវជន និងកីឡាករខេត្តកំពង់ស្ពឺ ដោយមានការចូលរួមពីសំណាក់លោក ថន ថារិន ប្រធានមន្ទីរអប់រំ យុវជន និងកីឡា លោកឧត្ដមសេនីយ៍ លោកវរសេនីយ៍ និងនគរបាលខេត្តកំពង់ស្ពឺជាច្រើនរូបទៀត។
ការប្រកួតដណ្ដើមពានរង្វាន់បាល់ទះសម្ដេចក្រឡាហោម ស ខេង នឹងចាប់ផ្ដើមពីថ្ងៃទី០៨ ខែមិថុនា ដល់ថ្ងៃទី២៨ ខែមិថុនា ឆ្នាំ២០២២។ ការប្រកួតនេះមាន២១ក្រុមចូលរួម ចែកចេញជា៤ពូលដែលនឹងធ្វើឡើងនៅកីឡដ្ឋានព្រីនស៍។
ការប្រកួតនៅព្រឹកថ្ងៃទី០៨ ខែមិថុនា ឆ្នាំ២០២២ស្អែកនេះមាន៥ប្រកួត (សូមមើលក្នុងតារាងប្រកួត) ហើយក្លឹបបាល់ទះខេត្តកំពង់ស្ពឺត្រូវជួបក្លឹបបាក់ទះខេត្តប៉ៃលិននៅវេលាម៉ោង ១០ ព្រឹក៕