អត់ទ្រាំមិនបាន សម្ដេចតេជោ និយាយរឿងប្រដាល់ ឃឹម បូរ៉ា ប៉ះ មេឃា និងអាជ្ញាណ្ដាលហើយ

2021-07-11 13:56:31
បាល់ទះ

2021-07-11 13:56:31
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្ដេចតេជោ ហ៊ុន សែន បានចេញប្រតិកម្មរឿងប្រដាល់កាលពីម្សិលមិញនេះហើយ ដោយសម្ដេចនិយាយក្នុងនាមជាពលរដ្ឋខ្មែរម្នាក់ ដែលស្រលាញ់វិស័យកីឡា។

កាលពីម្សិលមិញនេះ ការប្រកួតប្រដាល់រវាងឃឹម ប៉ូរា និង មេឃា ត្រូវបានលើកពេល បន្ទាប់ មេឃា ចាប់បោកបូរ៉ា តាមក្បាច់កីឡាកាសដែលខុសពីលក្ខខណ្ឌនៃការប្រកួត។ មានមតិជាច្រើនមិនសប្បាយចិត្តនោះទេ ចំពោះចៅក្រមដែលមិនប្រកាសលទ្ធផល ហើយឱ្យទៅប្រកួតម្ដងទៀតនៅ២សប្ដាហ៍ក្រោយ។ ខណៈដែលម្នាក់ៗយល់ថា បូរ៉ា សមតែឈ្នះហើយ ព្រោះ មេឃា វាយខុសលក្ខខណ្ឌ។

ក្នុងនោះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជាក៏មានប្រតិកម្មដែរ។ សម្ដេចមានប្រសាសន៍ថា៖

ដោយអត់ទ្រាំមិនបានខ្ញុំសូម ចេញមកនិយាយក្នុងនាមជាពលរដ្ឋខ្មែរម្នាក់ ដែលស្រឡាញ់វិស័យកីឡា។ តើយើងត្រូវពង្រឹងអាជ្ញាកណ្តាលកីឡាប្រដាល់ឬត្រូវបង្កើតក្បាច់គុណថ្មីដោយកំណត់លក្ខណ្ឌប្រកួតថ្មីដោយវាយខុសក្បួនហើយមិនព្រមប្រកាសលទ្ធផលនិងលើកពេលទៅប្រកួតនៅពេលក្រោយ។ តើឱ្យកីឡាប្រដាល់យើងឈានទៅមុខម្តេចបាន បើសហព័ន្ធកីឡាប្រដាល់យើងទុក ឱកាសឱ្យអាជ្ញាកណ្តាលធ្វើបែបនេះ? តើមានក្បួនមកពីណាវាយខុសក្បួនខ្នាតហើយសម្រេចលើកពេលទៅប្រកួតពេលក្រោយសូម្បីតែបាល់ទាត់ បើទាត់ខុសត្រូវពិន័យកាតលឿងឬកាតក្រហមដោយ ដេញចេញឬពិន័យបាល់១១ម៉ែត្រភ្លាមៗដោយ មិនទុកពេលឱ្យតវ៉ានោះទេ។ ខ្ញុំមិនបន្ទោសកីឡាករទេព្រោះពួកគាត់ស្តាប់ តាមការកាត់ក្តីរបស់អាជ្ញាកណ្តាល។ អ្វីដែលខ្ញុំសុំគឺអាជ្ញាកណ្តាលត្រូវតែមានយុត្តិធម៌ក្នុងខ្លួន៕

អត្ថបទ៖ ប្រុស យុទ្ធ