- 2021-03-04 07:31:25
- បាល់ទះ
បាត់មុខឱ្យឈឹង! តាមពិត ម៉ី រស្មី កំពុងសម្ងំធ្វើរឿងមួយ
- 2021-03-04 07:31:25
- ចំនួនមតិ 0 | ចំនួនចែករំលែក 0
បាត់មុខឱ្យឈឹង! តាមពិត ម៉ី រស្មី កំពុងសម្ងំធ្វើរឿងមួយ
ចន្លោះមិនឃើញ
ការប្រកួតផ្លូវការ និងមិត្តភាព របស់សមាគមន៍បាល់ទះវិសាខាប៉ុន្មានប្រកួតដើមឆ្នាំ២០២១ គឺមិនមានវត្តមានស្មាត់ឆ្វេង ម៉ី រស្មី ឡើយ ខណៈប្រិយមិត្តក៏ងឿងឆ្ងល់ថា តើកីឡាករជំនាញទាបក្រោយមកពីខេត្តស្វាយរៀងបាត់មុខទៅណា?
ការណ៍មិនមានមុខក្នុងជំនួបមិត្តភាព និងការប្រកួតផ្លូវការដណ្ដើមពានរង្វាន់ពាន៧មករា កាលពីពេលថ្មីៗកន្លងទៅ ព្រោះតែស្មាត់ជម្រើសជាតិកម្ពុជារូបនេះ មានបញ្ហាបង្កេះរ៉ាំរ៉ៃមិនអាចជួយក្រុមបាន។
ទាកទងនឹងរបួសចង្កេះ រស្មី ប្រាប់ថា «ចង្កេះខ្ញុំឈឺយូរហើយតាំង២០១៧ តែវាឈឺអត់ធ្ងន់យើងលេងបានយើងហាត់បាន ដល់ពេលចូលដល់ចុងឆ្នាំ២០២០ ចាប់ផ្ដើមឈឺខ្លាំងហាត់លែងកើត ឥឡូវព្យាបាលរយៈពេល២ខែជាងហើយ តាំងពីខែ១២មក»។
បច្ចុប្បន្នអតីតកីឡាករក្លឹបថៃ NK Fitness បាននឹងកំពុងសម្រាកព្យាបាលជាមួយគ្រូខ្មែរ ដោយការចំណាយផ្សេងៗជាបន្ទុករបស់ក្លឹប។ បើតាមសម្ដីរបស់ រស្មី រូបគេធូរស្បើយបាន ៥០ ទៅ ៦០%ហើយ ប៉ុន្តែមិនទាន់ដឹងថា ពេលណាទើបអាចហាត់ជាប់លាប់វិញ។
ម៉ី រស្មី ចូលហ្វឹកហាត់នៅសមាគមន៍បាល់ទះវិសាខានៅឆ្នាំ២០១៣ (បង្កើតដំបូង) លេងតំណែងទាបក្រោយ (វៃបាល់លើកស្រួច) និងបាល់បីម៉ែត្រកណ្ដាល។ ស្មាត់កម្ពស់ ១,៨៧ម៉ែត្រវ័យ ២៧ឆ្នាំ ធ្លាប់លេងឱ្យក្លឹបថៃ NK Fitness ឆ្នាំ២០១៧ ហើយជាជម្រើសជាតិបាល់ទះលើក្ដារកម្ពុជា ទៅលេងនៅប្រទេសម៉ាឡេស៊ីឆ្នាំ២០១៧ និងហ្វីលីពីនឆ្នាំ២០១៩៕
រូបភាពផ្ដល់ឱ្យដោយ ម៉ី រស្មី