- 2017-09-23 03:39:58
- ប្រដាល់
ល្ងាចនេះកក្រើកហើយ! មាស ម៉ើ ប៉ះជើងខ្លាំងថៃ Saksurin
- 2017-09-23 03:39:58
- ចំនួនមតិ 0 | ចំនួនចែករំលែក 0
ល្ងាចនេះកក្រើកហើយ! មាស ម៉ើ ប៉ះជើងខ្លាំងថៃ Saksurin
ចន្លោះមិនឃើញ
អ្នកលេងក្នុងទ្រុងកម្ពុជាដ៏ល្បី មាស ម៉ើ ត្រូវប្រឈមនឹងជើងខ្លាំងប្រដាល់ថៃ Saksurin Tigermuaythai ខណៈជើងខ្លាំង ចាន់ សំអាត, គុជសារ ចាន់រាជនិង សំអាង ឌុន ក៏ត្រូវកីឡាករម្ចាស់ផ្ទះទទួលស្វាគមន៍ដែរ។
តាមប្រវត្តិបង្ហាញថា កីឡាករថៃ Saksurin Tigermuaythai ធ្លាប់ប្រកួតក្នុងទ្រុងតែ៤ដងក្នុងនោះឈ្នះ៣ និងចាញ់១។
ឈ្នះកីឡាករ Sethawut Naimthanom ទឹកទី៣
ឈ្នះកីឡាករ Surapun Kancharee ទឹកទី១
ឈ្នះកីឡាករ Veerayuth Uttapan ដោយពិន្ទុ
ចាញ់កីឡាករ Dindo Cmansa ក្នុងទឹកទី១
ទោះជាយ៉ាងណា បើនិយាយពីប្រវត្តិប្រដាល់សេរីវិញគឺរូបគេធ្លាប់ឆ្លងកាត់ច្រើនជាង១០០ដង ដូច្នេះរូបគេមិនមែនជាអ្នកលេងក្នុងទ្រុងដែលកីឡាករកម្ពុជារូបនេះមើលស្រាលបានឡើយ។
បើនិយាយពីជើងខ្លាំងកម្ពុជា មាស ម៉ើ វិញឆ្លងកាត់ការប្រកួតក្នុងទ្រុង៤ដងដូចគ្នា ប៉ុន្តែមិនធ្លាប់បរាជ័យឡើយ។
លើកទី១ឈ្នះ រិន សារ័ត្ន ដោយពិន្ទុ
លើកទី២ឈ្នះ ចាន់ ហេង ក្នុងទឹកទី១
លើកទី៣ឈ្នះ ចាន់ សំអាត ក្នុងទឹកទី១
លើកទី៤កឈ្នះកីឡាករថៃ Jirwat Lamsamang ក្នុងទឹកទី២
តាមស្ថិតិនេះបង្ហាញថា កីឡាករកម្ពុជាកម្ពុជារូបនេះជាជើងខ្លាំងក្នុងទ្រុងដែលអាចនឹងផ្តួលកីឡាករថៃទៀតបាន។ ប៉ុន្តែនិយាយពីកម្ពស់វិញ មាស ម៉ើ ចាញ់ប្រៀបគេតិចតូច។
ក្រៅពី មាស ម៉ើ ក៏មានកីឡាករកម្ពុជា៣នាក់ទៀតគឺ ចាន់ សំអាត ប្រកួតទម្ងន់ ៦១កីឡូក្រាម គុជសារ ចាន់រាជ ប្រកួតក្នុងទម្ងន់ ៦១គីឡូក្រាម និង សំអាង ឌុន ប្រកួតក្នុងទម្ងន់ ៦៦គីឡូក្រាម ពួកធ្វើការប្រកួតនៅថ្ងៃស្អែកនេះ ហើយផ្សាយផ្ទាល់តាមទូរទស្សន៍ True TV ក្នុងព្រឹត្តិការណ៍ប្រដាល់ក្នុងទ្រុងនៅទីក្រុង Pataya ប្រទេសថៃល្ងាចនេះ៕
