អ្នកគាំទ្រគុនខ្មែរត្រៀមសប្បាយទស្សនា ខណៈស្ថានីយទូរទស្សន៍ TOWN និង WURKZ ចុះ MOU ត្រៀមរៀបចំព្រឹត្តិការណ៍ធំៗ

2024-10-22 04:25:32
ប្រដាល់

2024-10-22 04:25:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានីយទូរទស្សន៍ TOWN និង WURKZ ដែលជាដៃគូឧបត្ថម្ភកាលពីម្សិលមិញនេះបានធ្វើពិធីចុះអនុស្សរណៈ នៃកិច្ចសហការរៀបចំមហាព្រឹត្តិការណ៍ Wurkz ប្រដាល់គុនខ្មែរប្រចាំរដូវកាលទី៤ ឲ្យកាន់តែកក្រើកជូនអ្នកគាំទ្រគុនខ្មែរ។

ទិដ្ឋភាពម្សិលមិញ

លោក Tommy Kim ទីប្រឹក្សារបស់ស្ថានីយទូរទស្សន៍ TOWN បានឲ្យដឹងកាលពីម្សិលមិញនេះថា ក្នុងនាមតំណាងខាងស្ថានីយគឺមានចិត្តសប្បាយរីករាយជាខ្លាំងពិសេសបានបំពេញនូវការចង់បានរបស់ដៃគូសហការឧបត្ថម្ភដោយរៀបចំជាព្រឹត្តិការណ៍ប្រកួតនានាទទួលបានជោគជ័យយ៉ាងត្រចះត្រចង់។ ចំនួនអ្នកទស្សនាពីមួយកម្មវិធីទៅមួយកម្មវិធីមានកាន់តែច្រើនទាំងនៅសង្វៀនផ្ទាល់ និងតាម Online ជាដើម។

ទិដ្ឋភាពម្សិលមិញ

អ្នកជំនាញផ្នែករៀបចំប្រដាល់នេះបន្ថែមទៀតថា TOWN នឹងខំប្រឹងប្រែងបន្ថែមទៀតក្នុងការរៀបចំព្រឹត្តិការណ៍ធំៗ និងល្អមើលជូនអ្នកគាំទ្រគុនខ្មែរក៏ដូចជាម្ចាស់ឧបត្ថម្ភនៅរដូវកាលថ្មី ទី៤ ដែលនឹងចាប់ផ្ដើមក្នុងពេលខាងមុខនេះ។ ជាមួយគ្នានេះដែរលោកសំណូមពរដល់សហព័ន្ធគុនខ្មែរសូមពង្រឹងដល់ចៅក្រម អាជ្ញាកណ្ដាល និងយកចិត្តទុកដាក់ចំពោះការបំពេញភារកិច្ចជៀសវាងកំហុសឆ្គងធ្ងន់ធ្ងរផ្សេងៗ ព្រោះបច្ចុប្បន្ននេះវិស័យប្រដាល់គុនខ្មែរកំពុងរីកចម្រើនបោះជំហានទៅមុខហើយ។

ទិដ្ឋភាពម្សិលមិញ

បញ្ជាក់ដែរថា ពិធីអនុស្សរណៈ នៃកិច្ចសហការរៀបចំមហាព្រឹត្តិការណ៍ Wurkz ប្រដាល់គុនខ្មែរប្រចាំរដូវកាលទី៤ រវាងស្ថានីយទូរទស្សន៍ TOWN និង Wurkz នេះធ្វើឡើងកាលពីថ្ងៃទី២១ ខែតុលា ឆ្នាំ២០២៤ នៅផ្សារទំនើបជីបម៉ុង ២៧១៕

អត្ថបទ៖ នួន ស៊ីណា