កីឡា១០ប្រភេទ ប្រឈមនឹងគ្រោះថ្នាក់បំផុត នៅលើពិភពលោក

2017-02-21 07:43:58
ព័ត៌មាន

2017-02-21 07:43:58
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើពិភពលោក មានកីឡាជាច្រើនប្រភេទ ដោយកីឡាខ្លះតម្រូវឲ្យមានភាពប្រថុយប្រថាន អាចគ្រោះថ្នាក់ដល់ជីវិតទៀតផង។ ខាងក្រោមនេះ ជាកីឡា១០ប្រភេទ ដែលប្រឈមនឹងគ្រោះថ្នាក់បំផុត ប្រចាំឆ្នាំ២០១៧៖

១. BASE Jumping៖ លោតឆត្រយោងពីលើអគារខ្ពស់ៗបំផុតនៅលើពិភពលោក ឬលោតពីលើជ្រោះខ្ពស់ៗបំផុត។

២. Heli-Skiing៖ ជិះឧទ្ធម្ភាគចក្រ ទៅដល់គោលដៅលើកំពូលភ្នំទឹកកក រួចជិះស្គីទឹកកក ចុះពីលើកំពូលភ្នំដែលចោតបំផុត មកដល់ក្រោមវិញ។

៣. Scuba Diving៖ មុជទឹកមើលទេសភាព ក្រោមបាតសមុទ្រ។ Scuba Diving ប្រើប្រាស់ឧបករណ៍ សម្រាប់ដកដង្ហើមខ្លួនឯង នៅក្នុងទឹកបាន ប៉ុន្តែបើមានបញ្ហាអាក្រក់កើតឡើង ពួកគេអាចនឹងក្លាយជាចំណីរបស់ត្រីឆ្លាម។

៤. Cave Diving៖ មុជទឹកក្នុងរូងភ្នំ។ កីឡាប្រភេទនេះ ប្រើប្រាស់ឧបករណ៍ខុសពី Scuba Diving ហើយអ្នកលេង អាចនឹងប្រឈមនឹងគ្រោះថ្នាក់ ដោយសារវាងងឹតខ្លាំង ឬកង្វះពន្លឺ និងអាចធ្វើឲ្យខ្វះខ្យល់ដកដង្ហើម។

៥. ជិះគោ៖ អ្នកជិះគោ ត្រូវតែអង្គុយលើខ្នងគោ ដែលបោលបោកខ្លាំង ឲ្យបាន៨វិនាទី។ ដូច្នេះកីឡានេះ ប្រឈមនឹងគ្រោះថ្នាក់ខ្លាំងអាចនឹងធ្លាក់ ហើយត្រូវគោដេញជល់។

៦. ជិះស្គីលើទឹករលកធំៗ៖ កីឡាករត្រូវតែជិះស្គី ជាមួយនឹងរលកធំៗកម្ពស់ជាង៦ម៉ែត្រ ដើម្បីទទួលបានជ័យជម្នះ និងបានប្រាក់រង្វាន់ជាច្រើន។ ប៉ុន្តែវាប្រឈមនឹងគ្រោះថ្នាក់ខ្លាំង ដែលអាចមានវត្ថុផ្សេងៗដូចជាថ្ម នៅជាមួយរលក ហើយអាចបង្កឲ្យមានរបួសស្រាល ឬធ្ងន់។

៧. ជិះក្ដាររំអិលតាមផ្លូវ៖ កីឡាករត្រូវផ្ដេកខ្លួនលើក្ដារ និងត្រូវធ្វើយ៉ាងណា ឲ្យមានល្បឿនលឿនបំផុតជាងគូប្រកួត ដើម្បីឈ្នះ។ ដូច្នេះបើមានភ្លាត់ស្នៀត អាចនឹងរងរបួសលើខ្លួនប្រាណ។

៨. ឡើងភ្នំ៖ កីឡាករត្រូវប្រើប្រាស់ឧបករណ៍មួយចំនួន ដើម្បីអាចឡើងតាមច្រាំងថ្មចោត។ នៅពេលឡើងកាន់តែខ្ពស់ អាកាសធាតុប្រែប្រួល អាចប៉ះពាល់ដល់ខ្លួនប្រាណ ហើយប្រឈមនឹងការធ្លាក់ ធ្វើឲ្យរបួសបាក់ដៃ បាក់ជើង បាក់ក ឬអាចនឹងបាត់បង់ជីវិត។

៩. ប្រណាំងកង់ហោះលើទួល៖ កីឡាករត្រូវតែជិះកង់ក្នុងល្បឿនលឿន និងត្រូវឆ្លងកាត់ទួល ព្រមទាំងតម្រូវឲ្យបញ្ចេញស្ទិលប្លែកៗ។ ដូច្នេះវាប្រឈមនឹងគ្រោះថ្នាក់ បើកីឡាករណាដួល ឬប៉ះទង្គិចជាមួយកីឡាករដទៃទៀត។

១០. ជិះក្បូនតាមទឹកជ្រោះ៖ ជិះក្បូនជាក្រុម ដោយឆ្លងកាត់ជ្រោះរលកខ្លាំងៗ វាប្រឈមនឹងគ្រោះថ្នាក់ ព្រោះអាចនឹងមានដុំថ្ម ឬវត្ថុរឹងផ្សេងៗ ខ្ទាតទៅប៉ះមុខ និងអាចប្រឈមរបួសជើង និងជង្គង់ផងដែរ៕