/66b0915e02100_1722847560_medium.jpg)
- 2024-08-05 11:15:45
- ព័ត៌មាន
សល់ ៦ថ្ងៃទៀត ប្រទេសអាស៊ាន ៣ បានឈ្នះមេដាយនៅអូឡាំពិកប៉ារីស២០២៤
- 2024-08-05 11:15:45
- ចំនួនមតិ 0 | ចំនួនចែករំលែក 0
សល់ ៦ថ្ងៃទៀត ប្រទេសអាស៊ាន ៣ បានឈ្នះមេដាយនៅអូឡាំពិកប៉ារីស២០២៤
ចន្លោះមិនឃើញ
ប្រទេសអាស៊ានចំនួន ៣ ដែលបានឈ្នះមេដាយនៅព្រឹត្តិការណ៍អូឡាំពិក ដែលប្រព្រឹត្តិទៅនៅឯរដ្ឋធានីប៉ារីសប្រទេសបារាំងនៅក្នុងឆ្នាំ២០២៤។ ប្រទេសទាំង ៣នោះរួមមាន ហ្វីលីពីន ឥណ្ឌូនេស៊ី និងម៉ាឡេស៊ី។
ហ្វីលីពីនបានផ្អើលប្រទេសនៅក្នុងតំបន់តែម្ដង ដោយកីឡាករមួយរូបរបស់ប្រទេសនេះបានយកឈ្នះមេដាយមាសចំនួន ២។ កីឡាកររូបនោះគឺលោក កាឡូស យូឡូ (Carlos Yulo)។ កីឡាករវ័យ ២៤ឆ្នាំរូបនេះបានឈ្នះមេដាយមាស ២ ដោយមួយឈ្នះលើវិញ្ញាសារកាយសម្ព័ន្ធសម្ដែងលើឥដ្ឋ (Floor Gymnastics) និងមួយទៀតវិញ្ញាសារកាយសម្ព័ន្ធសម្ដែងលើតុ (Vault Gymnastics)។
នេះជាលើកទី២ហើយ ដែលហ្វីលីពីនយកឈ្នះមេដាយមាស។ លើកទី១គឺរកបានដោយ កញ្ញា ហ៊ីឌីលីន ឌីយ៉ាស (Hidilyn Diaz) ដែលបានឈ្នះមេដាយមាសក្នុងវិញ្ញាសារលើកដែកនារីទម្ងន់ ៥៥គីឡូក្រាម។
ចំណែកឯឥណ្ឌូនេស៊ីវិញ បានឈ្នះមេដាយសំរឹទ្ធិ ដោយកីឡាការិនីវ័យ ២៤ឆ្នាំ ហ្គ្រេហ្គោរា ម៉ារីស្កា ទូចុង (Gregoria Mariska TUNJUNG)។ កញ្ញាទូចុង បានឈ្នះមេដាយសំរឹទ្ធិក្នុងកីឡាវាយសី វិញ្ញាសារឯកត្តជន។
រីឯម៉ាឡេស៊ីវិញ ឈ្នះមេដាយសំរឹទ្ធដូចគ្នា ក្នុងកីឡាវាយសី វិញ្ញាសារចាប់គូរបុរស។ ក្រុមម៉ាឡេស៊ីរួមមានលោក អារ៉ន ឈា (Aaron Chia) និងលោក សូ វ៉យយីក (Soh Wooi Yik) ដោយអ្នកទាំងពីរបានយកឈ្នះដាណឺម៉ាកក្នុងប្រកួតដណ្ដើមយកលេខ ៣៕
ប្រភព៖ Seasia Stats
