/66b9e60d41365_1723459080_medium.jpg)
- 2024-08-12 12:22:49
- ព័ត៌មាន
អាមេរិកឈរលេខ ១ក្នុងតារាងអូឡាំពិកប៉ារីស២០២៤
- 2024-08-12 12:22:49
- ចំនួនមតិ 0 | ចំនួនចែករំលែក 0
អាមេរិកឈរលេខ ១ក្នុងតារាងអូឡាំពិកប៉ារីស២០២៤
ចន្លោះមិនឃើញ
សហរដ្ឋអាមេរិកបានឈរចំណាត់ថ្នាក់លេខ១ នៅក្នុងតារាងមេដាយនៃព្រឹត្តិការណ៍អូឡាំពិកឆ្នាំ២០២៤ ដែលប្រព្រឹត្តិនៅរដ្ឋធានីប៉ារីសប្រទេសបារាំងពីថ្ងៃទី ២៦ កក្កដា ឆ្នាំ ២០២៤ ដល់ពីថ្ងៃទី ១១ សីហា ឆ្នាំ ២០២៤។
ក្រុមកីឡាករមកពីប្រទេសមហាអំណាចមួយនេះបានប្រមូលបានមេដាយសរុប ១២៦គ្រឿង ដោយក្នុងនោះមេដាយមាស ៤០គ្រឿង ប្រាក់ ៤៤គ្រឿង និងមេដាយសំរឹទ្ធិ ៤២គ្រឿង។
ចំណោមមេដាយមាសទាំង ៤០គ្រឿងនោះភាគច្រើនបានពីកីឡាអត្តពលកម្ម ដែលជាកីឡាប្រើប្រាស់កម្លាំងធ្ងន់ៗរួមមានដូចជា វិញ្ញាសារត់ វិញ្ញាសាលោត និងបោះប៊ូលជាដើម។ អាមេរិកទទួលបានមេដាយមាសពីប្រភេទកីឡាទាំងអស់នេះសរុបរហូតទៅដល់ ១៤គ្រឿងឯណោះ។ ក្រៅពីនេះ កីឡាហែលទឹកគ្រប់វិញ្ញាសាបានរកមេដាយមាស ៨គ្រឿងឱ្យក្រុមអាមេរិក។ ស្រដៀងនឹងមេដាយមាសដែរ ប្រភពមេដាយប្រាក់ភាគច្រើនបានពីកីឡាទាំង២ប្រភេទធំៗនេះ។
បន្ទាប់ពីអាមេរិក លេខ ២បានទៅលើក្រុមចិន ដោយមហាយក្សអាស៊ីមួយនេះប្រមូលបានមេដាយសរុប ៩១គ្រឿង ក្នុងនោះមេដាយមាសសរុប ៤០គ្រឿង។
លេខ ៣បានទៅកាន់ស្រុកជប៉ុន ដោយរកបានមេដាយសរុបតែ ៤៥គ្រឿងប៉ុណ្ណោះ តែរកបានមេដាយមាសសរុប ២០គ្រឿង។ អូស្ត្រាលីលេខ ៤ ដែលបានមេដាយសរុប ៥៣គ្រឿង តែមេដាយមាស ១៨គ្រឿង។
ចំណែកឯក្រុមម្ចាស់ផ្ទះបារាំងវិញលេខ ៥ រកបានមេដាយច្រើនជាងជប៉ុន និងអូស្ត្រាលីទៅទៀត តែមានមេដាយមាសតែ ១៦គ្រឿង៕
ប្រភព៖ Olympics
