- 2015-08-19 17:38:33
- ប្រវត្តិ
ថោង ខុន៖ អ្នកកីឡាជម្រើសជាតិកម្ពុជាទាំងអស់មិនអាចធ្វើជាទូតសុច្ឆន្ទៈក្រុមហ៊ុនស្រា និងបារីបានទេ
- 2015-08-19 17:38:33
- ចំនួនមតិ 0 | ចំនួនចែករំលែក 0
ថោង ខុន៖ អ្នកកីឡាជម្រើសជាតិកម្ពុជាទាំងអស់មិនអាចធ្វើជាទូតសុច្ឆន្ទៈក្រុមហ៊ុនស្រា និងបារីបានទេ
ចន្លោះមិនឃើញ
លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាបានលើកឡើងថា កីឡាករ កីឡាការិនីជម្រើសជាតិកម្ពុជាទាំងអស់មិនអាចធ្វើជាទូតសុច្ឆន្ទៈឲ្យក្រុមហ៊ុនស្រា និងបារីបានឡើយ ពីព្រោះខុសនឹងក្រមសីលធម៌កីឡា។
លោក ថោង ខុន រដ្ឋមន្ត្រីក្រសួងទេសចរណ៍ និងប្រធាន NOCC
ក្នុងពិធីផ្ដល់ប្រាក់រង្វាន់ដល់ជយលាភីមេដាយក្នុងព្រឹត្តិការណ៍កីឡាស៊ីហ្គេមកាលពីល្ងាចថ្ងៃទី១៨ ខែសីហា ឆ្នាំ២០១៥ ម្សិលមិញនៅទីស្ដីការគណៈកម្មាធិការជាតិអូឡាំពិកកម្ពុជា លោក ថោង ខុន បានឲ្យដឹងថា គ្រប់កីឡាករ កីឡាការិនីជម្រើសជាតិកម្ពុជាទាំងអស់មិនអាចធ្វើជាទូតសុច្ឆន្ទៈឲ្យក្រុមហ៊ុនស្រា ឬបារីបានឡើយ ពីព្រោះខុសនឹងច្បាប់ដែលជាក្រមសីលធម៌របស់កីឡា។ ប៉ុន្តែកីឡាករទាំងអស់មានសិទ្ធិទទួលបានការឧបត្ថម្ភពីក្រុមហ៊ុនទាំងពីរខាងលើ ទន្ទឹមនឹងនោះសម្រាប់កម្មវិធីប្រកួតក្រោមអាយុ១៨ឆ្នាំក្នុងទីលានប្រកួតរបស់ពួកគេក៏មិនអាចដាក់បដា ឬប៉ាណូផ្សព្វផ្សាយរបស់ក្រុមហ៊ុនស្រា និងបារីបានឡើយ ។
លោកបានបន្តថា សម្រាប់កម្មវិធីប្រកួតដែលមានអាយុលើស១៨ឆ្នាំអាចទទួលបានការឧបត្ថម្ភពីក្រុមហ៊ុនទាំងពីរនេះបានដូចគ្នា ហើយអាចដាក់ផ្លាកផ្សព្វផ្សាយក្នុងទីលានប្រកួតបាន ប៉ុន្តែក៏មិនអាចធ្វើជាទូតសុច្ឆន្ទៈបានដដែល៕
អត្ថបទ៖ ស្រី សុវណ្ណដារ៉ា
