- 2015-07-14 18:02:07
- ប្រវត្តិ
ក្មេងប្រុសដែលយំដោយសារ Van Persie អាចទៅជួប Idol របស់ខ្លួននៅទួរគីហើយ
- 2015-07-14 18:02:07
- ចំនួនមតិ 0 | ចំនួនចែករំលែក 0
ក្មេងប្រុសដែលយំដោយសារ Van Persie អាចទៅជួប Idol របស់ខ្លួននៅទួរគីហើយ
ចន្លោះមិនឃើញ
ក្មេងប្រុសតូចម្នាក់ ដែលយំស្ទើរគាំង ពេលដឹងថាតារាសំណព្វចិត្តរបស់ខ្លួន Robin van Persie ចាកចេញពីក្រុម Manchester United ទៅលេងឲ្យក្រុម Fenerbahce នោះ ឥឡូវមានឱកាសទៅជួប Idol របស់ខ្លួននៅប្រទេសទួរគីហើយ ដោយសារសប្បុរសជនមានចិត្តមេត្តាធ្វើយុទ្ធនាការរៃអង្គាសប្រាក់ផ្ដល់ឲ្យ។
ក្មេងតូចដែលជាអ្នកគាំទ្រក្រុមបិសាចក្រហមរូបនេះឈ្មោះ Louis Diamond ទើបមានអាយុ ៤ឆ្នាំប៉ុណ្ណោះ បានធ្វើឲ្យមានការភ្ញាក់ផ្អើលលើអ៊ីនធឺណិត បន្ទាប់ពីឪពុករបស់គេលោក Sam Diamond បង្ហោះវីដេអូកូនប្រុសរបស់ខ្លួនយំសស្រាក់សស្រាំ ពេកឮដំណឹងថាខ្សែប្រយុទ្ធហុល្លង់ Van Persie ចាកចេញពី Man Utd កាលពីថ្ងៃសៅរ៍។
យ៉ាងណាក្ដី ឥឡូវអ្នកគាំទ្រក្រុមបិសាចក្រហម វ័យក្មេងរូបនេះ មានឱកាសទៅជួប Idol របស់ខ្លួនម្ដងទៀតនៅប្រទេសទួរគី ដោយសារមូលនិធិយុទ្ធនាការរៃអង្គាសប្រាក់នៅប្រទេសទួរគី បានជួយសម្រេចបំណងក្មេងប្រុសម្នាក់នេះ បន្ទាប់ពីមានក្ដីអាណិតអាសូរ ក្រោយមើលវីដេអូនោះ ខណៈដែលម្ចាស់សណ្ឋាគារនៅទីក្រុង Istanbul ម្នាក់ ក៏បានផ្ដល់ការស្នាក់នៅដោយឥតគិតថ្លៃដល់គ្រួសារក្មេងតូចម្នាក់នោះផងដែរ។
Robin van Persie នឹងបង្ហាញខ្លួនផ្លូវការជាមួយក្រុម Fenerbahce នៅថ្ងៃអង្គារនេះ នាកីឡដ្ឋាន Sukru Saracoglu Stadium បន្ទាប់ពីពិនិត្យសុខភាពដោយជោគជ័យកាលពីថ្ងៃច័ន្ទម្សិលមិញ ដោយខ្សែប្រយុទ្ធវ័យ៣១ឆ្នាំ នឹងចុះកិច្ចសន្យារយៈពេល៣ឆ្នាំ និងទទួលបានថ្លៃឈ្នួលប្រចាំសប្ដាហ៍២៤០ ០០០ផោន (ជាង៣៧ម៉ឺនដុល្លារ)៕
សូមទស្សនាវីដេអូខាងក្រោម៖
-ចុចអាន៖ ក្មេងប្រុសម្នាក់យំស្ទើរគាំង ពេលដឹងថា Van Persie ចាកចេញពី Man Utd
-ចុចអាន៖ Van Persie ទៅដល់ទួរគី អ្នកគាំទ្រច្រើនកុះករអន្ទះសាចង់ជួប
ប្រែសម្រួល៖ វិន ជីវ័ន្ត ប្រភព៖ dailymail