អ្នកគាំទ្រ Liverpool នាំគ្នាជ្រួលច្របល់ ក្រោយឮដំណឹង Bayern ចង់ឆក់យក Mane

2022-05-10 02:50:17
បាល់ទាត់

2022-05-10 02:50:17
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្ររបស់ Liverpool មិនសប្បាយចិត្តសោះ បន្ទាប់ពីឮដំណឹង Sadio Mane ជាគោលដៅផ្ទេររបស់ Bayern Munich ក្នុងរដូវក្ដៅនេះ។

សេចក្ដីរាយការណ៍ពីប្រទេសអាល្លឺម៉ង់បានចេញផ្សាយថា នាយកផ្នែកកីឡារបស់ Bayern លោក Hasan Salihamidzic បានជួបជាមួយអ្នកតំណាងរបស់ Mane លើកោះ Majorca កាលពីថ្ងៃសុក្រមុនដើម្បីពិភាក្សាលទ្ធភាពនៃការផ្ទេរ។ ដំណឹងនេះបានធ្វើឲ្យអ្នកគាំទ្រ Liverpool ភ្ញាក់ផ្អើលខ្លាំង ដោយតែ Mane ជាកីឡាករដើរតួសំខាន់ក្នុងក្រុមក្រោមការដឹកនាំរបស់លោក Jurgen Klopp ចាប់តាំងចុះកុងត្រាពីក្លឹប Southampton កាលពីឆ្នាំ២០១៦។

លើបណ្ដាញសង្គម Twitter កាលពីថ្ងៃច័ន្ទ អ្នកគាំទ្ររបស់ហង្សក្រហមម្នាក់បាននិយាយថា៖ “Sadio Mane ចាកចេញទៅ Bayern នឹងធ្វើឲ្យខ្ញុំឈឺចាប់ខ្លាំង”។ ឯម្នាក់ទៀតបានសរសេរថា៖ “ប្រសិនបើ Sadio Mane ផ្ទេរទៅ Bayern ខ្ញុំនឹងយំ”។ ជាមួយគ្នានេះអ្នកគាំទ្រផ្សេងម្នាក់ទៀតបានអង្វរ Mane កុំឲ្យធ្វើបែបនេះ។

Mane នឹងឈានចូលដល់កុងត្រាឆ្នាំចុងក្រោយនៅ Anfield ក្នុងរដូវក្ដៅនេះ ហើយរហូតដល់ពេលនេះមិនទាន់មានការពិភាក្សាសំខាន់ណាមួយបានកើតឡើងនៅឡើយអំពីការបន្ថែមកុងត្រាថ្មីដើម្បីបន្តនៅ។ Mohamed Salah ឈានចូលដល់កុងត្រាឆ្នាំចុងក្រោយដូចគ្នា ប៉ុន្តែ Liverpool បានខិតខំជាខ្លាំងដើម្បីផ្ដល់ជូនកុងត្រាថ្មីដល់កីឡាករសញ្ជាតិអេហ្ស៊ីប។ ការមិនចង់បន្តកុងត្រាថ្មីឲ្យ Mane ទំនងជាងក្លឹបចង់ឲ្យគេរកការប្រកួតប្រជែងថ្មី ប៉ុន្តែគំនិតនេះបានធ្វើឲ្យអ្នកគាំទ្រមិនសប្បាយចិត្តឡើយ៕

ប្រភព៖ Dailymail ប្រែសម្រួល៖ ហេង សុធារិទ្ធិ