- 2021-06-08 04:22:24
- ប្រដាល់
រលកក្រោយ Spence ថានឹងវៃ Pacquiao ឱ្យ KO ហើយចូលនិវត្តន៍តែម្ដង
- 2021-06-08 04:22:24
- ចំនួនមតិ 0 | ចំនួនចែករំលែក 0
រលកក្រោយ Spence ថានឹងវៃ Pacquiao ឱ្យ KO ហើយចូលនិវត្តន៍តែម្ដង
ចន្លោះមិនឃើញ
Errol Spence Jr នឹងត្រូវប្រកួតជាមួយអ្នកប្រដាល់ល្បីឈ្មោះហ្វីលីពីន Manny Pacquiao នៅថ្ងៃទី១២ខែសីហាឆ្នាំ២០២១ខាងមុខនេះហើយ នៅ Las Vegas សហរដ្ឋអាមេរិក។
Pacquiao បានយល់ព្រមសម្រាប់ការប្រកួតខាងលើនេះ ហើយលោកបានបញ្ជាក់ថាវាអាចជាប្រកួតចុងក្រោយក្នុងអាជីពប្រដាល់សកលនេះហើយ ត្បិតអីបច្ចុប្បន្នវ័យ៤២ឆ្នាំហើយដែរ។ ស្របពេលការប្រកួតចុងក្រោយនេះដែរ Spence ដែលជាដៃគូប្រកួតនោះ ក៏បាននិយាយបង្ហាញពីមហិច្ឆតាខ្លួនថាចង់យកឈ្នះកំពូលកីឡាករហ្វីលីពីននេះ ដោយ KO តែម្ដង។
កីឡាករអាមេរិកវ័យ៣១ឆ្នាំ ប្រកួត២៧ដងឈ្នះទាំង២៧ខាងលើនេះ បាននិយាយថា៖ “ពេលនេះ ខ្ញុំពេញកម្លាំងល្អណាស់ ខ្ញុំមានអារម្មណ៍ថាខ្លួនឯងខ្លាំង។ ខ្ញុំចង់ឱ្យខ្លួនឯងពោរពេញដោយកម្លាំងដែលអាចបំបាក់ Manny Pacquiao បាន និងឱ្យគាត់ចូលនិវត្តន៍ត្រឹមប្រកួតនេះតែម្ដង។ ខ្ញុំសង្ឃឹមថាគាត់នឹងដូចមុន ឡើងសង្វៀនដឹងតែប្រកួត ហើយខ្ញុំក៏ដូចគ្នាចូលសង្វៀនគឺដឹងតែប្រកួត”៕