- 2021-05-13 08:44:17
- ប្រដាល់
ម្ចាស់ខ្សែក្រវាត់ទម្ងន់ធ្ងន់ Brandon Vera ប្រាប់ពីការទៅហាត់នៅអាមេរិក
- 2021-05-13 08:44:17
- ចំនួនមតិ 0 | ចំនួនចែករំលែក 0
ម្ចាស់ខ្សែក្រវាត់ទម្ងន់ធ្ងន់ Brandon Vera ប្រាប់ពីការទៅហាត់នៅអាមេរិក
ចន្លោះមិនឃើញ
ម្ចាស់ខ្សែក្រវាត់ទម្ងន់ធ្ងន់ ONE Heavyweight កីឡាករ Brandon “The Truth” Vera ត្រូវការពារខ្សែក្រវាត់ពិភពលោករបស់ខ្លួនទល់នឹងជើងខ្លាំងជំនាញចំបាប់មកពីឥណ្ឌា Arjan “Singh” Bhullar នៅព្រឹត្តិការណ៍ ONE: DANGAL នៅថ្ងៃសៅរ៍ ទី១៥ ខែឧសភា ខាងមុខ។
មុនឡើងតតាំងនៅលើសង្វៀន Vera បានប្រាប់អំពីរឿងរ៉ាវខ្លះៗនៃការទៅហ្វឹកហាត់ត្រៀមនៅក្លិប Sanford MMA រដ្ឋផ្លរីដា សហរដ្ឋអាមេរិក ហើយកន្លងទៅហ្វឹកហាត់នៅក្លិប Alliance Training Center PH នៃប្រទេសហ្វីលីពីន។ តារាទម្ងន់ធ្ងន់រូបនេះបង្ហាញអំពីភាពរីករាយ និងបទពិសោធន៍ថ្មីពេលហ្វឹកហាត់នៅក្លិប Sanford MMA ដែលសម្បូរដោយតារាគុនចម្រុះលំដាប់ពិភពលោក។ Vera និងក្រុមគ្រួសារកំពុងតែស្វែងរកការរស់នៅឯរដ្ឋផ្លរីដាជាយូរមកហើយ។
ម្ចាស់ខ្សែក្រវាត់ទម្ងន់ធ្ងន់ ONE Heavyweight បានប្រាប់ឲ្យដឹងថា ៖«ខ្ញុំបានរកឃើញកន្លែងដែលខ្ញុំអាចហៅបានថាជាផ្ទះហើយ, ជាកន្លែងដូចដែលខ្ញុំធ្លាប់រស់នៅ ហើយបន្ទាប់ពីការពារខ្សែក្រវាត់រួច ខ្ញុំនឹងយកខ្សែក្រវាត់របស់ខ្ញុំមកទីនេះ [ផ្ទះរបស់ខ្ញុំ] គឺ មក Sanford ។ ហើយយើងនឹងស្នាក់នៅទីនេះ និងបន្តហ្វឹកហាត់នៅទីនេះទៀតផងដែរ»។
បុរសវ័យ ៤៣ឆ្នាំសង្កត់ធ្ងន់ថា ៖«នៅទីនេះមានតារាទម្ងន់ធ្ងន់ប្រចាំ ONE Championship រង់ចាំជួយខ្ញុំ។ នេះជាហេតុផលដែលខ្ញុំប្ដូរមកក្លិប Sanford។ ពួកគេមានមោទនភាពសម្រាប់ខ្ញុំ។ ខ្ញុំនឹងបន្តនៅកម្រិតកំពូល, ខ្ញុំល្អជាងមុន, ខ្ញុំលឿនជាមុន និងខ្លាងជាងមុន។ ព្រោះគេទាំងអស់ប្រៀបបីដូចសត្វចម្លែកអីចឹង។ សូមអរគុណអ្នកទាំងអស់គ្នា»។
គួរដឹងថា ពេល “The Truth” ទៅហ្វឹកហាត់នៅអាមេរិក គេបានជួយអតីតគូប្រជែងទម្ងន់ Light Heavyweight កីឡាករ Aung La N Sang និង អតីតជើងឯក ONE Featherweight កីឡា Martin Nguyen ជាដើមរួមទាំងកីឡាករល្បីៗជាច្រើននៅទីនោះ៕
