- 2021-03-01 02:16:39
- ប្រដាល់
ហេតុផលនេះហើយអ្នកទស្សនាប្រដាល់ងាកមកគាំទ្រកីឡាករក្មេងៗវិញ...
- 2021-03-01 02:16:39
- ចំនួនមតិ 0 | ចំនួនចែករំលែក 0
ហេតុផលនេះហើយអ្នកទស្សនាប្រដាល់ងាកមកគាំទ្រកីឡាករក្មេងៗវិញ...
ចន្លោះមិនឃើញ
លោក ស៊ន អេលីត មូលហេតុអ្នកទស្សនាប្រដាល់ងាកមកចាប់អារម្មណ៍ និងគាំទ្រកីឡាករក្មេងៗ ឬទម្ងន់ស្រាលបច្ចុប្បន្ននេះ គឺព្រោះតែអ្នកប្រដាល់ចាស់ៗភាគច្រើនវ៉ៃមិនអស់ពីសមត្ថភាព ខណៈក្មេងៗម៉ាអស់ដៃតែម្ដង។
លោក ស៊ន អេលីត គ្រូប្រដាល់ប្រចាំក្លឹបនាយដ្ឋានអង្គរក្ស បានឲ្យដឹងថា ឥលូវនេះក្មេងៗគឺវ៉ៃមានគេចាប់អារម្មណ៍ខ្លាំង និងតាមដានគាំទ្រច្រើនមែនទែនវាខុសពីកីឡាករទម្ងន់ធ្ងន់ ឬជួរមុខមួយចំនួនដែលគេខ្ជិលមើលទៅហើយ។
គ្រូប្រដាល់រូបនេះបន្តលើកឡើងទៀតថា ដោយសារតែកីឡាករជួរមុខមួយចំនួនស្គាល់គ្នាធ្លាប់ញុំជាមួយគ្នា ដូច្នេះហើយនៅពេលត្រូវប្រកួតជាមួយគ្នាបែរជាវ៉ៃមិនអស់ ឬបិទក្បាច់ណាមួយ។ ការវ៉ៃបែបនេះគឺមិនខូចខ្លួន និងអាចវ៉ៃជាប់សប្ដាហ៍ទៀត។ ការបន្តធ្វើបែបនេះនឹងធ្វើឲ្យកីឡាករខ្លួនឯងបាត់បង់កេរ្តិ៍ឈ្មោះម្ដងបន្តិចៗតែប៉ុណ្ណោះ។
ចំពោះកីឡាករក្មេងៗដែលខំប្រឹងហ្វឹកហាត់ ពួកគេមិនសូវមានឈ្មោះវ៉ៃ ស្រប់ពេលចង់បានជ័យជម្នះ ចង់បានកេរ្តិ៍ឈ្មោះផងនោះទើបវ៉ៃដោយអស់ពីសមត្ថភាពតែម្ដង។ ហេតុផលទាំងនេះហើយដែលធ្វើឲ្យគាំទ្រមានការគាំទ្រច្រើនអំឡុងកូវីដនេះ។
រំលឹកដែរថា លោក ស៊ន អេលីត ជាគ្រូបង្វឹកប្រចាំក្លឹបនាយដ្ឋានអង្គរក្ស ហើយកូនសិស្សរបស់លោកដែលកំពុងល្បីឈ្មោះបច្ចុប្បន្ន អេលីត ចំរើន អេលីត ភក្កី អេលីត សាន់ និងកីឡាករមួយចំនួនទៀត។ បច្ចុប្បន្ននេះកីឡាករទម្ងន់ស្រាលគឺមានការចាប់អារម្មណ៍ខ្លាំងលើប្រភេទទម្ងន់ ៦៣.៥, ៦០, ៥៧, ៥៤ និង ៥២គីឡូក្រាមជាដើមដែលប្រកួតម្ដងៗមានអ្នកតាមដាន និងនិយាយច្រើនលើហ្វេសបុក៕