Pacquiao នៅតែទាមទារ ដាក់ទោសប្រហារជីវិតលើអ្នកសម្លាប់ Dacera ទោះរបាយការណ៍....

2021-01-08 05:17:27
ប្រដាល់

2021-01-08 05:17:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Manny Pacquiao គឺជាអ្នកជិតស្និទ្ធជាមួយគ្រួសារនៃសពChristine Angelica Dacera ដែលបានស្លាប់កាលពីថ្ងៃឆ្លងឆ្នាំកន្លងទៅ ក្រោយពីចប់ពិធីជប់លៀង។

អ្នកប្រដាល់ល្បីឈ្មោះខាងលើធ្លាប់បានប្រកាសផ្ដល់ប្រាក់ច្រើនជាង១ម៉ឺនដុល្លារសម្រាប់អ្នកអាចរកមុខអ្នកដែលសម្លាប់នារីអាកាសចរណ៍ខាងលើបាន និងយកមកដាក់ទោស។ ខណៈដែលរបាយការណ៍ពិនិត្យសពចុងក្រោយវិញ បានបង្ហាញថានាងស្លាប់នោះដោយសារតែដាច់សរសៃឈាមក្នុងខួរក្បាលប៉ុណ្ណោះ មិនមានអ្នករំលោភសម្លាប់អ្វីនោះទេ។ ដោយបច្ចុប្បន្នមិត្តទាំង៣នាក់ដែលប៉ូលិសឃាត់ខ្លួននោះ ក៏ត្រូវបានដោះលែងហើយដែរ។

តែទោះជាយ៉ាងនេះក្ដី គ្រួសាររបស់នាង Dacera ចង់ឱ្យមានការពិនិត្យសពម្ដងទៀតដើម្បីដឹងច្បាស់ ព្រោះពួកគេជឿជាក់ថាពិតជាមានអ្នករំលោភលើនាង និងសម្លាប់ពិតមែន។ ខណៈដែលលទ្ធផលពិនិត្យនឹងចេញមកម្ដងទៀតដើម្បីបញ្ជាក់ច្បាស់នាពេលខាងមុខនេះ។

Pacquiao បាននិយាយដែរថា៖ “អ្វីដែលខ្ញុំស្អប់បំផុតគឺករណីរំលោភសម្លាប់។ ដូច្នេះខ្ញុំសូមឱ្យមានទោសប្រហារជីវិតលើករណីនេះ និងមានការសើបអង្កេតឱ្យបានម៉ត់ចត់បំផុត”។ រហូតមកដល់ពេលនេះ មានមតិផ្ទុយគ្នាជាច្រើនបានលើកឡើង។ ជាក់ស្ដែងក្រុមពិនិត្យសពថាមិនមែនជាករណីរំលោភទេ គឺជាករណីស្លាប់ដោយសារតែដាច់សរសៃឈាមខួរក្បាល ដោយសារផឹកជ្រុលទៅវិញ។

តែបើតាមប៉ូលិសវិញ បែរជាអះអាងថាមានទឹកកាមក្នុងប្រដាប់ភេទរបស់នារីដែលស្លាប់ខាងលើ។ បូកផ្សំជាមួយស្លាកស្នាមនៅលើរាងកាយរបស់នាងទៀត គឺច្បាស់ណាស់នេះជាករណីរំលោភរហូតដល់ស្លាប់។

Christine Dacera ត្រូវបានគេប្រទះឃើញស្លាប់នៅក្នុងអាងងូតទឹក ក្នុងសណ្ឋាគារ Makati City នៅក្នុងអំឡុងពេលប្រារព្ធពិធីឆ្លងឆ្នាំ។ ជនសង្ស័យ១១នាក់ ត្រូវបានកំណត់អត្តសញ្ញាណ ដោយក្រុមគ្រួសាររបស់់Dacera តាមរយៈរូបថតដែលថតជុំគ្នា ក្នុងអំឡុងពេលជប់លៀង ៕

ប្រភព៖ ABS-CBN អត្ថបទ៖ ប្រុស យុទ្ធ