- 2020-12-21 10:07:28
- ប្រដាល់
បឺត សង្ឃឹម សម្រេចក្ដីបំណងសងសឹក វ៉ាន់ វឿន ក្នុងកម្មវិធីធំវិញហើយ
- 2020-12-21 10:07:28
- ចំនួនមតិ 0 | ចំនួនចែករំលែក 0
បឺត សង្ឃឹម សម្រេចក្ដីបំណងសងសឹក វ៉ាន់ វឿន ក្នុងកម្មវិធីធំវិញហើយ
ចន្លោះមិនឃើញ
អ្នកប្រដាល់កំពុងឡើងកូដ បឺត សង្ឃឹម សម្រេចបំណងសងសឹកលើ វ៉ាន់ វឿន ក្នុងកម្មវិធីធំៗដូចជាខ្សែក្រវាត់វិញហើយកាលពីថ្ងៃសៅរ៍ ទី១៩ ខែធ្នូ ឆ្នាំ២០២០ បន្ទាប់ពីទម្លាក់វគ្គផ្ដាច់ព្រ័ត្រក្រុមទី១ ខ្សែក្រវាត់ស្រាបៀកម្ពុជា នៅសង្វៀន CNC ។
បឺត សង្ឃឹម ធ្លាប់ឲ្យដឹងថា ខ្លួនពិតជាមានការសោកស្ដាយបំផុតដែលភ្លាត់ចាញ់ពិន្ទុកីឡាករ វ៉ាន់ វឿន ក្នុងកម្មវិធីផ្ដាច់ព្រ័ត្រខ្សែក្រវាត់គោជល់ អំឡុងខែមិថុនា អមដោយទឹកប្រាក់ ៥០០០ដុល្លារនៅពេលនោះ។ ក្មួយប្រុសរបស់ បឺត ខាំ រូបនេះនិយាយថា ខ្លួនពិតជាចង់ជួប វ៉ាន់ វឿន នៅវគ្គសំខាន់ណាមួយណាស់ ជាពិសេសដូចជាកម្មវិធីខ្សែក្រវាត់មុនៗជាដើម។
ឥលូវនេះកីឡាករ បឺត សង្ឃឹម បានសម្រេចបំណងសងសឹកវិញហើយ ដោយទម្លាក់ វ៉ាន់ វឿន កាលពីថ្ងៃសៅរ៍គ្រងជើងឯកក្រុមទី១ បានពានរង្វាន់១ អមដោយប្រាក់១០លានរៀល និងបន្តដំណើរឡើងឈរចាំវគ្គផ្ដាច់ព្រ័ត្រវ៉ៃយកខ្សែក្រវាត់ ស្រាបៀកម្ពុជា ទម្ងន់៥៧គីឡូក្រាមតែម្ដង។
រំលឹកដែរថា ៤ប្រកួតចុងក្រោយរបស់ វ៉ាន់ វឿន មិនដែលឈ្នះ បឺត សង្ឃឹម នោះទេរាប់ទាំងការចាញ់ពីថ្ងៃសៅរ៍ ទី១៩ ខែធ្នូ ឆ្នាំ២០២០ នៅសង្វៀន CNC ក្នុងកម្មវិធីខ្សែក្រវាត់ស្រាបៀកម្ពុជា ថ្មីៗនេះ៕
វីដេអូប្រកួត៖