- 2020-11-04 03:48:20
- ប្រដាល់
ដេវីត ឡាំងកូស៊ីន ដឹកដៃគ្នាទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់ ខណៈ ពេជ្រ ប៊ុនសិទ្ធ ចាំអ៊ុតសិន
- 2020-11-04 03:48:20
- ចំនួនមតិ 0 | ចំនួនចែករំលែក 0
ដេវីត ឡាំងកូស៊ីន ដឹកដៃគ្នាទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់ ខណៈ ពេជ្រ ប៊ុនសិទ្ធ ចាំអ៊ុតសិន
ចន្លោះមិនឃើញ
អ្នកលេងគុនខ្មែរមុខស្រស់ រិន ដេវីត និង ឃួន ឡាំងកូស៊ីន បានឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់ PNN ដែលមានប្រាក់រង្វាន់ ៣៤លានរៀល បន្ទាប់ពីទទួលបានជ័យជម្នះកន្លងទៅថ្មីៗនេះ។
ឃួន ឡាំងកូស៊ីន បន្ទាប់ពីយកឈ្នះពិន្ទុលើកីឡាករ សឺន ថៃសាន កាលពីថ្ងៃអាទិត្យសប្ដាហ៍មុននេះ ឥលូវរូបគេមានកៅអីឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់ទម្ងន់ ៥៤គីឡូក្រាមនេះហើយពោល ៣ប្រកួតឈ្នះស្វ័យប្រវត្តិ ១ ឈ្នះពិន្ទុ១ និងចាញ់សន្លប់១ សរុបមាន៧ពិន្ទុក្នុងដៃ។
ចំណែក រិន ដេវីត វិញក៏បានឡើងទៅវគ្គពាក់កណ្ដាលផ្ដាច់ព្រ័ត្រដែរទោះនៅសល់១ប្រកួតនៅសប្ដាហ៍នេះក៏ដោយ។ ដេវីត ឈ្នះពិន្ទុ ២ និងសល់១ប្រកួតអាទិត្យនេះជាមួយ ធន់ អេឡៃ។ ទោះចាញ់១ប្រកួតនេះក៏ដោយ រិន ដេវីត នៅតែបានឡើងដដែល ព្រោះឈ្នះ២ប្រកួតមាន៦ពិន្ទុជាស្រេច។
រំលឹកដែរថា រិន ដេវីត ឃួន ឡាំងកូស៊ីន ធន់ អេងឡៃ សឺន ថៃសាន គឺស្ថិតនៅក្នុងពូល ខ នៃវគ្គជម្រុះ។ ចំណែក ពេជ្រ ប៊ុនសិទ្ធ ខេម ចាន់ យីប ឌុប ម៉ន ភារម្យ ស្ថិតនៅក្នុងពូល ក នៃវគ្គជម្រុះ។ ពូល ក កីឡាករ ខេម ចាន់ គឺបានឡើងទៅវគ្គពាក់កណ្ដាលផ្ដាច់ព្រ័ត្រហើយ ចំណែក ពេជ្រ ប៊ុនសិទ្ធ រង់ចាំមើលការប្រកួតជាមួយ យីប ឌុប សប្ដាហ៍នេះសិន៕