ភ្ញាក់ផ្អើល Ronaldo ធ្លាក់ដល់លេខ៧០ ឯ Messi លេខ២២ ក្នុងបញ្ជីកីឡាករថ្លៃជាងគេបច្ចុប្បន្ន

2020-06-09 03:24:44
បាល់ទាត់

2020-06-09 03:24:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករឆ្នើមប្រចាំពិភពលោកទាំងពីរ Lionel Messi និង Cristiano Ronaldo បានធ្លាក់តម្លៃខ្លួនយ៉ាងគំហុកក្នុងការវាយតម្លៃផ្ទេររបស់កីឡាករទូទាំងលីគកំពូលទាំង៥របស់អឺរ៉ុប។

ខ្សែប្រយុទ្ធរបស់ក្លឹប PSG កីឡាករ Kylian Mbappe ឈរនៅចំណាត់ថ្នាក់លេខ១ ជាកីឡាករមានតម្លៃខ្លួនថ្លៃជាងគេបច្ចុប្បន្ន ខណៈកីឡាករវ័យក្មេងរបស់អង់គ្លេសជាច្រើនដេញតាមពីក្រោយ។ តម្លៃខ្លួនក្នុងទីផ្សាររបស់ Mbappe បច្ចុប្បន្នឡើងដល់២៣១លានផោន ត្បិតពិភពលោកកំពុងជួបវិបត្តិកូរ៉ូណាក្ដី។

Mbappe ត្រូវបានតាមពីក្រោយដោយ Sterling មានតម្លៃខ្លួន១៧៣លានផោន Sancho ១៥៩លានផោន Alexander-Arnold ១៥២លានផោន ខណៈ Rashford នៅលេខប្រាំ១៣៦លានផោន។ អ្វីដែលគួរចាប់អារម្មណ៍កីឡាករអង់គ្លេសវ័យ២១ឆ្នាំ Mason Mount របស់ Chelsea ឈរលើមានតម្លៃខ្លួនថ្លៃជាងម្ចាស់ពាន Ballon d'Or ៦សម័យ Lionel Messi ទៅទៀត។

ក្នុងតារាងបញ្ជីឈ្មោះដែលបានបង្ហាញ Mount ស្ថិតនៅលេខ១៩មានតម្លៃខ្លួន៩១លានផោន ឯ Messi នៅលេខ២២ មាន៨៩លានផោន។ សម្រាប់ Ronaldo វិញមិនស្ថិតក្នុងបញ្ជីឈ្មោះកំពូលទាំង៥០ផង ពោលធ្លាក់ដល់លេខ៧០ឯណោះ (មិនបង្ហាញតម្លៃខ្លួន)៕