- 2019-07-04 02:34:28
- ព័ត៌មាន
Women's World Cup៖ ក្រុមបាល់ទាត់នារីហូឡង់ ប៉ះអាមេរិកនៅវគ្គផ្ដាច់ព្រ័ត្រ
- 2019-07-04 02:34:28
- ចំនួនមតិ 0 | ចំនួនចែករំលែក 0
Women's World Cup៖ ក្រុមបាល់ទាត់នារីហូឡង់ ប៉ះអាមេរិកនៅវគ្គផ្ដាច់ព្រ័ត្រ
ចន្លោះមិនឃើញ
ក្រុមបាល់ទាត់នារីហូឡង់ បានឡើងវគ្គផ្ដាច់ព្រ័ត្រ FIFA Women's World Cup ជាលើកដំបូងក្នុងប្រវត្តិសាស្ត្រ ក្រោយយកឈ្នះក្រុមបាល់ទាត់នារីស៊ុយអែត ១-០ វគ្គថែមម៉ោង១៥នាទី២ដង នៅការប្រកួតវគ្គពាក់កណ្ដាលផ្ដាច់ព្រ័ត្រយប់មិញ។
កីឡាការិនី Jackie Groenen ដែលលេងឲ្យក្រុមនារី Manchester United គឺជាតារាសំណាងរកគ្រាប់ឲ្យក្រុមរហស្សនាមពណ៌ទឹកក្រូចយកឈ្នះនៅនាទី ៩៩។ ជ័យជម្នះនេះ ធ្វើឲ្យហូឡង់ត្រូវប៉ះក្រុមជើងខ្លាំងសហរដ្ឋអាមេរិកនៅវគ្គផ្ដាច់ព្រ័ត្រ ដែលធ្វើក្នុងទីក្រុងលីយ៉ុង ប្រទេសបារាំង នៅថ្ងៃអាទិត្យសប្ដាហ៍នេះ។
ដោយឡែកការប្រកួតយកលេខ៣រវាង អង់គ្លេស និងស៊ុយអែត គឺធ្វើឡើងនៅថ្ងៃសៅរ៍ វេលាម៉ោង១០យប់។ គួរបញ្ជាក់ថាអាមេរិកគឺជាក្រុមជើងឯក Women's World Cup ៣សម័យ ចំណែកហូឡង់មិនធ្លាប់ឈ្នះជើងឯកនោះទេពីមុនមក៕
