អូស្ត្រាលីបបួលប្រទេសមួយនៅអាស៊ាន ដេញថ្លៃធ្វើសហម្ចាស់ផ្ទះ World Cup ២០៣៤

2019-06-30 00:15:00
ព័ត៌មាន

2019-06-30 00:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អូស្រ្តាលី និង ឥណ្ឌូណេស៊ីកំពុងស្វែងរកលទ្ធភាពនៃការដេញថ្លៃធ្វើជាម្ចាស់ផ្ទះរៀបចំការប្រកួត World Cup ឆ្នាំ ២០៣៤ បន្ទាប់ពីមន្ត្រីមកពី សហព័ន្ធកីឡាបាល់ទាត់អូស្ត្រាលី (FFA) និង ភាគីឥណ្ឌូណេស៊ីបានពិភាក្សាអំពីការដេញថ្លៃក្នុងអំឡុងពេលនៃកិច្ចប្រជុំក្រុមប្រឹក្សាកីឡាបាល់ទាត់អាស៊ានក្នុងប្រទេសឡាវកាលពីសប្ដាហ៍មុន។

The Guardian បានរាយការណ៍ថា FFA បានបញ្ជាក់ថាខ្លួនបានពិភាក្សាជាមួយសមាគមកីឡាបាល់ទាត់ឥណ្ឌូណេស៊ី អំពីលទ្ធភាពនៃការដេញថ្លៃរួមគ្នាសម្រាប់ព្រឹត្តិការណ៍ FIFA World Cup ឆ្នាំ ២០៣៤។

សេចក្តីថ្លែងការណ៍របស់ FFA បានកើតឡើងប៉ុន្មានថ្ងៃប៉ុណ្ណោះថ្ងៃបន្ទាប់ពីនាយករដ្ឋមន្ត្រីថៃលោកប្រាយុទ្ធ ចាន់អូចាបាននិយាយថាចង់បបួលប្រទេសក្នុងតំបន់អាស៊ានធ្វើម្ចាស់ផ្ទះ World Cup ២០៣៤។

ស្ដេចបាល់ទាត់ទ្វីបអាហ្វ្រិកគឺប្រទេសប្រទេសអេហ្ស៊ីប ក៏ត្រូវបានរាយការណ៍ថាកំពុងសម្លឹងមើលលទ្ធភាពក្នុងការដេញថ្លៃនេះផងដែរ។

កីឡដ្ឋានក្នុងប្រទេសឥណ្ឌូណេស៊ី

អូស្ត្រាលីបានបរាជ័យក្នុងការដេញថ្លៃធ្វើជាម្ចាស់ផ្ទះ World Cup ឆ្នាំ ២០២២ ដែលកាតាជាអ្នកឈ្នះ ប៉ុន្តែប្រទេសគីឡូ World Cup មួយនេះបានចូលរួមជាផ្លូវការរួចទៅហើយក្នុងការដេញថ្លៃធ្វើជាម្ចាស់ផ្ទះព្រឹត្តិការណ៍ World Cup នារីឆ្នាំ ២០២៣៕

អាន៖ បញ្ជីឈ្មោះម្ចាស់ស្បែកជើងមាស១០ជំនាន់នៅ World Cup តើអ្នករាប់បានប៉ុន្មាននាក់?

អាន៖ Emperor's Cup របស់ជប៉ុនស្រដៀង FA Cup តែពិសេសបំផុតមិនមានពានណាដូច

ប្រភព៖ theguardian ប្រែសម្រួល៖ សុខ លាងហ៊ត